ઘેટાઓએ ખાઈ લીધો ભાંગનો 100 કિલો પાક, હરકતો જોઈને પરેશાન થઈ ગયો માલિક, પછી...

ગ્રીસથી એક હેરાન કરી દેનારી ઘટના સામે આવી છે, અહી ઘેટાઓએ લગભગ 100 કિલો ભાંગનો પાક ખાઈ લીધો. ત્યારબાદ તેમની પ્રતિક્રિયા જોઈને તેનો માલિક પરેશાન થઈ ગયો. કહેવામાં આવી રહ્યું છે કે લૂ અને તોફાન ડેનિયલથી પાક ખરાબ થઈ ગયો હતો અને જે કંઇ બચ્યું હતું તેને ઘેટાઓએ સાફ કરી દીધો. ગ્રીસના ઘણા હિસ્સા પૂરની ઝપેટમાં આવી ગયા. અનેક પશુઓના મોત થઈ ગયા, જે બચ્યા છે તેમના ખાવાનો ચારો મળી રહ્યો નથી. એવામાં ઘેટાઓનું એક ટોળું એક ખેતરમાં ઘૂસી ગયું. જ્યાં ભાંગનો પાક કરવામાં આવ્યો હતો.

ઘેટાઓએ ભાંગનો પાક ખાધા બાદ અજીબ હરકતો કરવાની શરૂઆત કરી દીધી. ઘેટાઓનો વ્યવહાર જોઈને માલિક હેરાનીમાં હતો. ઘેટાઓના માલિકે કહ્યું કે, ભાંગનો પાક ખાધા બાદ ઘેટાઓને ઉછળવાની શરૂઆત કરી દીધી. ઘેટાં બકરીઓથી વધારે ઊછળી રહ્યા હતા. ખેતરના માલિકે જણાવ્યું કે, મને ખબર નથી કે હું હસું કે રડું. લૂના કારણે અમે પહેલા જ ખૂબ નુકસાન સહ્યું, પછી અહી પૂર આવ્યો. અમે લગભગ બધુ જ ગુમાવી દીધું અને હવે આ ઘેટાઓનું ટોળું ગ્રીનહાઉસમાં ઘૂસી ગયું અને જે બચ્યું હતું તેને ખાઈ લીધું.

ઈમાનદારીથી કહું તો મને સમજ આવી રહી નથી કે હું તેના પર શું કહું. ઉલ્લેખનીય છે કે ગ્રીસમાં આવેલા તોફાનને વર્ષ 1930 બાદ આવેલા સૌથી ભયંકર તોફાનોમાંથી એક બતાવવામાં આવી રહ્યું છે. આ તોફાને Thessalyમાં 3 દિવસો સુધી તબાહી મચાવી, જેમાં 16 લોકો માર્યા જવાના સમાચાર છે. સ્ટોર્મના કારણે અનેક ગામો અને સિટીઓમાં પૂર પણ આવ્યો. હજારોની સંખ્યામાં લોકોને એરલિફ્ટ કરવામાં આવ્યા. લાઈફ બોટ્સની મદદથી અનેક લોકોને તેમના ઘરથી રેસ્ક્યૂ કરીને સુરક્ષિત જગ્યાઓ પર પહોંચાડવામાં આવ્યા. આ તોફાનના કારણે લોકોએ પોતાની કમાણી અને પોતાના પશુઓને પણ ગુમાવી દીધા.

ગ્રીસ એ યુરોપીય સંઘ દેશોમાંથી એક છે જેણે ચિકિત્સા ઉદ્દેશ્યો માટે ભાંગની ખેતીને લીગલ કરી દીધી છે. વર્ષ 2018માં મેડિકલ ઉપયોગ માટે ભાંગની ખેતી માટે પોતાનું પહેલું લાઇસન્સ જાહેર કરી દીધું હતું. ઘણા દેશોમાં અત્યારે પણ ભાંગની ખેતી પર પ્રતિબંધ છે, ઘણી જગ્યાઓ પર તેનો ઉપયોગ નશા માટે કરવામાં આવે છે જ્યારે દવાઓ માટે પણ ભાંગની માગ છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.