દેશ અને દુનિયામાં ઘણાં અજીબ કિસ્સા સામે આવતા રહે છે, જેને સમજવામાં વિજ્ઞાનને પણ સમય લાગે છે. ઘણીવાર અચાનક એકસાથે ઘણાં લોકોને અજીબ બીમારી કે વર્તન હેરાન કરી દે છે. આવી સ્થિતિને મહામારી કહેવામાં આવે છે. હાલમાં કેન્યામાં એક શાળામાં આવો જ એક મામલો સામે આવ્યો છે. અહીંના કાકામેગા કાઉન્ટીમાં હાઈસ્કૂલની લગભગ 95 વિદ્યાર્થીનીઓને એકસાથે લકવો આવી ગયો.
શરીરનો નીચલો ભાગ થયો પેરાલાઇઝ
સેંટ થેરેસા એરગી હાઈ સ્કૂલની આ વિદ્યાર્થીનીઓ પાછલા અમુક અઠવાડિયાથી હોસ્પિટલમાં દાખલ છે. એક અજીબ બીમારીના કારણે આ સગીરાઓનો શરીરનો નીચેનો ભાગ એકસાથે પેરાલાઇઝ થઇ ગયો છે.
કથિત મહામારીએ આ સગીરાઓના પરિવારમાં ડર અને ચિંતાની સ્થિતિ પેદા કરી છે. સ્થાનીય મીડિયાએ જણાવ્યું કે, અચાનક આ સગીરાઓના પગમાં લકવો મારી ગયો છે. કેન્યાના સોશિયલ મીડિયા પર વાયરલ ક્લિપમાં આ વિદ્યાર્થીનીઓ લથડીને ચાલી રહી છે.
બીબીસીની એક રિપોર્ટ અનુસાર, પગમાં લકવો આવવાને કારણે વિદ્યાર્થીનીઓને ચાલવામાં તકલીફ થઇ રહી હતી અને તેમને માંસપેશીઓમાં ખેંચાણનો અનુભવ થઇ રહ્યો હતો. જોકે, અસરમાં આ કઇ બીમારી છે તેનો ખુલાસો થઇ શક્યો નથી. રિપોર્ટમાં કહેવામાં આવ્યું છે કે વિશેષજ્ઞોનું માનવું છે કે, આ કેસ માસ હિસ્ટીરિયાનો હોઇ શકે છે.
બ્લડ અને યૂરિન સેમ્પલ લેવામાં આવ્યા
કાકામેગા કાઉન્ટીના સ્વાસ્થ્ય સીઈસી બર્નાર્ડ વેસોન્ગાએ પત્રકારોને જણાવ્યું કે, અજ્ઞાત બીમારીનું કારણ સમજવા માટે વિદ્યાર્થીનીઓના બ્લડ, યૂરીન અને સ્ટૂલ સેમ્પલ લેવામાં આવ્યા છે. જેને ટેસ્ટ કરવા માટે મોકલવામાં આવ્યા છે. પણ હજુ સુધી લકવો શા કારણે આવ્યો તેની પાછળ શું કારણ છે તેની જાણ થઇ શકી નથી. ઘટના પછી સ્કૂલને અનિશ્ચિત સમય માટે બંધ કરી દેવામાં આવી છે.
VIDEO: A significant number of students from St. Theresa's Eregi Girls High School in Kenya have been admitted to the hospital due to an unexplained ailment. The majority of these girls are reportedly experiencing paralysis in their legs, leaving them incapable of walking. #kenya pic.twitter.com/1sPuMbIzPH
— Prince Carlton ?? (@_PrinceCarlton_) October 5, 2023
સોશિયલ મીડિયા પ્લેટફોર્મ એક્સ પર એક યૂઝરે લખ્યું કે, કેન્યાની એક સ્કૂલમાં વિદ્યાર્થીનીઓને એક રહસ્યમય બીમારીને કારણે હોસ્પિટલમાં દાખલ કરવામાં આવી છે. રિપોર્ટથી જાણ થાય છે કે મોટાભાગની વિદ્યાર્થીનીઓના પગ લકવાગ્રસ્ત છે અને તેઓ ચાલી શકે એમ નથી. સ્થાનીય મીડિયા રિપોર્ટ પ્રમાણે, આની વચ્ચે સ્કૂલે કહ્યું કે સ્થિતિનું આંકલન કરવા અને જરૂરી પગલા લીધા પછી વિદ્યાર્થીનીઓને સ્કૂલે પાછા જવાની પરવાની આપવામાં આવશે.
15.jpg)
