કિમ જોંગ ઉને પોતાના મંત્રીને આપી મોતની સજા, 'મિત્ર' ટ્રમ્પની વિરુદ્ધ બોલ્યા હતા

ઉત્તર કોરિયાના સુપ્રીમ લીડર કિમ જોંગ ઉનના સનકી દિમાગનું વધુ એક ઉદાહરણ સામે આવ્યું છે. અહેવાલ છે કે, તેણે ફરી એકવાર તેના નજીકના લોકોને ખતમ કરવાનું શરૂ કર્યું છે. આ વખતે કિમ જોંગે પોતાના એક નજીકના પૂર્વ મંત્રીની હત્યા કરી નાખી છે. આ મંત્રીએ એકવાર અમેરિકાના ભૂતપૂર્વ રાષ્ટ્રપતિ ડોનાલ્ડ ટ્રમ્પની આકરી ટીકા કરી હતી અને તેમને 'દુષ્ટ રાષ્ટ્રપતિ' કહ્યા હતા. ઉત્તર કોરિયામાં રી યોંગ-હો માર્યા ગયાના સમાચાર છે. તેમણે એકવાર અમેરિકા સાથે પરમાણુ હથિયારો અંગે વાતચીત કરી હતી.

જાપાને ઉત્તર કોરિયાના લાંબા અંતરની બેલેસ્ટિક મિસાઈલના વિસ્તરણ અને રી યોંગ-હોના મૃત્યુને એક સાથે જોડી દીધા છે. દક્ષિણ કોરિયાના ધારાસભ્ય યુન કુન-યંગે જણાવ્યું હતું કે, તેમના દેશની નેશનલ ઇન્ટેલિજન્સ સર્વિસ (NIS)એ પુષ્ટિ કરી છે કે કિમ દ્વારા રીને પોતાના રસ્તામાંથી હટાવી દીધા છે. પરંતુ તેની હત્યા થઈ છે કે કેમ તે સ્પષ્ટ થયું નથી. 2016માં રીને ઉત્તર કોરિયાના વિદેશ મંત્રી બનાવવામાં આવ્યા હતા. પરંતુ તે પહેલા 2003 થી 2007 સુધી બ્રિટનમાં ઉત્તર કોરિયાની એમ્બેસીમાં સેવા આપી હતી.

ઉત્તર કોરિયાના પરમાણુ કાર્યક્રમ પર છ-પક્ષીય વાટાઘાટોમાં ઉત્તર કોરિયાના પક્ષે રી મુખ્ય વાટાઘાટકર્તા હતા. પરંતુ 2020માં તેમને વિદેશ મંત્રી પદ પરથી હટાવી દેવામાં આવ્યા હતા. ત્યારથી તે દુનિયાની નજરથી દૂર રહ્યા હતા. તેમના સ્પષ્ટવક્તા સ્વભાવ હોવા છતાં, રીને સિંગાપોરમાં ટ્રમ્પ અને કિમ જોંગ ઉન વચ્ચેની શાંતિ બેઠકનું આયોજન કરવાનો શ્રેય આપવામાં આવે છે. રીએ એકવાર યુનાઇટેડ નેશન્સ જનરલ એસેમ્બલીમાં ભાષણ દરમિયાન ડોનાલ્ડ ટ્રમ્પને જુઠ્ઠાણાનો રાજા અને દુષ્ટનો રાષ્ટ્રપતિ કહ્યો હતો. તે તાજેતરના વર્ષોમાં હત્યા કરાયેલા ઉચ્ચ રેન્કિંગ અધિકારી છે.

અન્ય કેટલાક વરિષ્ઠ રાજકારણીઓ જે કિમના પક્ષથી અલગ થઇ ગયા હતા તેને પણ અકાળે અંત જોવા મળ્યો હતો. આમાં કિમના કાકા જાંગ સોંગ-થાક અને નેશનલ ડિફેન્સ કમિશનના ભૂતપૂર્વ વાઇસ ચેરમેનનો સમાવેશ થાય છે જેમની 2013માં ગોળી મારીને હત્યા કરવામાં આવી હતી. દક્ષિણ કોરિયાની નેશનલ ઈન્ટેલિજન્સ સર્વિસના અધિકારીઓએ તાજેતરમાં કિમ જોંગની પુત્રી વિશે પણ માહિતી આપી હતી. તેણે કહ્યું કે કિમની દીકરીનું નામ જુ-એ છે, જેને તે પોતાના ઉત્તરાધિકારી તરીકે પસંદ કરી શકે છે.

ઉત્તર કોરિયાના સરકારી મીડિયાએ નવેમ્બરમાં કિમ જોંગ અને જૂ એની તસવીર જાહેર કરી હતી. આમાં તે સૈનિકો સાથે મિસાઈલ લોન્ચિંગ જોઈ રહ્યા હતા. ઉત્તર કોરિયાની મીડિયાએ તેને કિમની પ્રિય પુત્રી ગણાવી હતી. ઉત્તર કોરિયાની મીડિયા અનુસાર, કિમને ત્રણ બાળકો છે, જેનો જન્મ 2010, 2013 અને 2017માં થયો હતો. કિમનું પહેલું સંતાન તેનો પુત્ર છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.