ભૂમધ્યસાગરથી ઊભા થયેલા વાવાઝોડા ડેનિયલે લીબિયામાં ભારે વિનાશ સર્જ્યો છે. વિનાશકારી પૂરે લીબિયામાં હજારો લોકોના જીવ લીધા. અત્યાર સુધીમાં 5000થી વધારે લોકોના મોત થયા છે. જ્યારે 10 હજારથી વધારે લોકો ગુમ કહેવામાં આવી રહ્યા છે. કબ્રસ્તાનોમાં શવોનો ઢગલો થઇ ગયો છે. આ દેશ પહેલાથી જ આર્થિક રીતે ઝઝૂમી રહ્યો છે, તેમાં આ તોફાને આ દેશને વધારે મુશ્કેલીમાં મૂકી દીધો છે.
લીબિયામાં ડેનિયલ તોફાનને લીધે ઘણો વરસાદ પડ્યો. ત્યાર બાદ દેશમાં અચાનક પૂર આવી ગયું. આ વિનાશકારી પૂરે પૂર્વીય લીબિયાના ઘણાં શહેરોમાં ભારે પ્રમાણમાં વિનાશ કર્યો. સૌથી વધારે નુકસાન ડેરનામાં થયો છે. જ્યારે ભારે વરસાદ અને પૂરને લીધે ડેમ તૂટી ગયા. જેનું પાણી આસપાસના વિસ્તારોમાં ફેલાઇ ગયું. ડેરનામાં 5000થી વધારે લોકોના મોત થયા છે. જ્યારે 20 હજારથી વધારે લોકો વિસ્થાપિત થયા છે.
ડેરના શહેરમાં ભારે વિનાશ
કહેવામાં આવી રહ્યું છે કે, આવનારા સમયમાં અહીં હતાહતોની સંખ્યા વધી શકે છે. ડેરના શહેરનો ચોથા ભાગનો હિસ્સો સંપૂર્ણ રીતે તબાહ થઇ ગયો છે. સોશિયલ મીડિયા પર વાયરલ વીડિયોમાં ડેરના શહેરમાં આવેલા પૂરે ગાડીઓ અને બિલ્ડીંગો ધ્વસ્ત કરી. આખાને આખા મોહલ્લા આ પૂરમાં વહી ગયા. પૂરે ડેમોને તોડી નાખ્યા. 1 લાખની વસતીવાળા આ શહેરમાં મોટાભાગના વિસ્તારો પૂરથી પ્રભાવિત છે.
પૂર્વીય લીબિયા સરકારના સ્વાસ્થ્ય મંત્રી ઉસ્માન અબ્દુલ જલીલે કહ્યું કે, લીબિયામાં આ સમયે સ્થિતિ ભયાનક છે. શહેરના ઘણાં વિસ્તારોમાં શવો જમીન પર પડ્યા છે. ત્યાંની હોસ્પિટલોમાં શવોનો અંબાર લાગ્યો છે. ડેરનામાં અત્યાર સુધીમાં હજારોની સંખ્યામાં શવોને દફન કરવામાં આવ્યા છે.
જણાવીએ કે, લીબિયા 2011ના વિદ્રોહ પછીથી અરાજકતા અને પાયાના માળખામાં ઓછા રોકાણથી ઝઝૂમી રહ્યું છે. મોહમ્મદ ગદ્દાફીએ લીબિયામાં લાંબા સમય સુધી શાસન કર્યું. 2011માં તેના શાસનનો અંત આવ્યો અને તેની હત્યા કરી દેવામાં આવી. ત્યાર પછીથી જ લીબિયા આંતરિક સંઘર્ષ અને અસ્થિરતાનો સામનો કરી રહ્યુ છે.
15.jpg)
