12 બાળકોની માતા ત્રીજી વાર લગ્ન કરવા 10 બાળકોના પિતાની શોધમાં, આ આપ્યું કારણ

વધતી જતી વસ્તીને રોકવા માટે સમગ્ર વિશ્વમાં 'નાનો પરિવાર- સુખી પરિવાર' જેવા સૂત્રો આપવામાં આવી રહ્યા છે. વળી, મોંઘવારીને કારણે ઘણા લોકો પોતે પણ બેથી વધુ બાળકો ઈચ્છતા નથી. પરંતુ ન્યૂયોર્કની એક મહિલા ઘરમાં બાળકોની સંખ્યાથી સંતુષ્ટ ન હોવાનું જણાય છે. 12 બાળકોની સિંગલ માતા માટે એક ડઝન બાળકો પણ ઓછા જ લાગે છે.

વેરોનિકાએ સ્વીકાર્યું કે, તે 22 બાળકોની માતા સુ રેડફોર્ડ જેવી બનવા માંગે છે. વેરોનિકા મેરિટને 14 વર્ષની ઉંમરે તેનું પહેલું બાળક થયું અને તેણે સ્વીકાર્યું કે, તે તેની પ્રથમ ગર્ભાવસ્થા પછી વારંવાર માતા બની હતી. 37 વર્ષની વેરોનિકા 2021માં તેના બીજા પતિથી અલગ થઈ ગઈ હતી. તેણે કહ્યું કે હવે તે એવા પુરુષ સાથે લગ્ન કરવા માંગે છે, જેને પહેલાથી જ ઓછામાં ઓછા 10 બાળકો હોય, જેથી તેના બાળકોની સંખ્યા 22 થઈ જાય.

મીડિયા સૂત્રો સાથે ખાસ વાત કરતાં, 12 બાળકોની માતા વેરોનિકા કહે છે, 'મને હજુ વધુ બાળકો જોઈએ છે, તેથી હું ફરીથી પતિની શોધ કરીશ, પણ મને એવો પતિ જોઈએ છે જેમને પહેલાથી બાળકો હોય', 'જો મને કોઈ એવો માણસ મળી જાય કે જેના પોતાના દસ બાળકો હોય અને અમે અમારું પોતાનું મોટું કુટુંબ બનાવી શકીએ તો તે એકદમ પરફેક્ટ હશે. પ્રામાણિકપણે કહું તો, હું એકદમ રોમાંચિત થઇ જઈશ.'

હકીકતમાં, વેરોનિકાને આશા છે કે, તે બ્રિટનનો સૌથી મોટો પરિવાર બનાવી શકશે. વેરોનિકા કહે છે, 'મને મારા કુટુંબમાં વધારો કરવો ગમે છે, તેથી મારે ગમે તેટલી સંખ્યામાં બાળકો પેદા હોય તો મને કોઈ વાંધો નથી.' 'હું હકીકતમાં 22 બાળકોવાળા સૂ રૈડફોર્ડને જેવો પરિવાર છે તેનાથી મને ઈર્ષ્યા થાય છે.'

તે કહે છે, 'હું ચોક્કસપણે હજુ પણ ઓછામાં ઓછા છ બાળકો પેદા કરવા મંગુ છું.' તે કહે છે, 'પરંતુ જો તેનાથી પણ હજુ વધારે મળી જાય તો વધુ સારું.' જો હું એક વખતમાં 11 બાળકોની સાથે ગર્ભવતી થઈ શકું છું અને જાણું કે તેઓ બધા સારી રીતે જીવશે, તો મારા શરીરનું શું થશે તેની મને પરવા નથી. એક ડૉક્ટરે મને મજાકમાં કહ્યું કે, 'હું બાળકો પેદા કરવા માટે જ બની છું અને મને લાગે છે કે મેં તેને ગંભીરતાથી લઇ લીધું છે.' વેરોનિકા ભલે તેના નવા પતિની શોધમાં હોય, પરંતુ તે કહે છે કે તે કોઈની સાથે સમાધાન કરશે નહીં.

વેરોનિકા કહે છે, 'હું એવા કેટલાક એવા લોકો સાથે હતી જે મને ખુશ ન રાખી શક્યા અને અમારું લગ્નજીવન ઘણું દુઃખથી ભરેલું હતું. તેથી હવે હું સમજી વિચારીને મારા જીવનસાથીને પસંદ કરીશ.' તે કહે છે, 'જ્યારે મારું 7મું બાળક હતું ત્યારે હું મારી નળીઓ બંધાવવા જઈ રહી હતી, પરંતુ જ્યારે સર્જને મને આ વિશે વાત કરી ત્યારે મને લાગ્યું કે, 'શું દસમાં નંબર પર પહોંચવું સારું નહીં લાગે?'

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.