'ઓ બાબાજી! તમારા દેશને સંભાળો, જુઓ કંઇ રીતે તાલિબાનીએ પાકિસ્તાનને સંભળાવ્યું

અફઘાનિસ્તાનમાં ટીટીપી આતંકવાદીઓ સામેની કાર્યવાહીને લઈને તાલિબાન સરકાર અને પાકિસ્તાન વચ્ચે શાબ્દિક યુદ્ધ છેડાયું છે. સોશિયલ મીડિયા પર અફઘાન જનરલનો એક વીડિયો સામે આવ્યો છે, જેમાં તેણે પાકિસ્તાનમાં મોંઘવારી અને શાહબાઝ શરીફ સરકારનો પર્દાફાશ કર્યો છે. આ સાથે જ પાકિસ્તાનના વિદેશ મંત્રી બિલાવલ ભુટ્ટો જરદારી પર જોરદાર કટાક્ષ કર્યો છે. વીડિયોમાં તાલિબાન જનરલ મોબીન ખાને શાહબાઝ શરીફને કહ્યું કે તેઓ પોતાના દેશ પર ધ્યાન આપે.

તેણે કહ્યું, 'હે બાબાજી... તમારા દેશ અને તેની સ્થિતિઓને સંભાળો. IMFના દેવા અને ગુલામીમાંથી તમારી જાતને છોડાવી લો. તમે અમને શું મદદ કરી શકવાના? અહીં 10 કિલો ઘી રૂ.500માં અને ત્યાં (પાકિસ્તાન) રૂ.2000માં મળે છે. જનતાની તમે ચામડી કાઢી નાખી છે. જનતાના પૈસા લૂંટીને લંડન અને યુરોપમાં સંપત્તિ બનાવી છે. લોકોના પૈસાની ચોરી કરી છે. તમે મારા દેશમાં (અફઘાનિસ્તાન) કાયદાનો અભ્યાસ કરો છો.

મોબીન ખાનનો વીડિયો SAMRI અથવા સાઉથ એશિયા મીડિયા રિસર્ચ ઈન્સ્ટિટ્યૂટ દ્વારા ટ્વિટર પર શેર કરવામાં આવ્યો છે જેમાં કેપ્શન છે, પાકિસ્તાનના વિદેશ મંત્રી બિલાવલ ભુટ્ટો જરદારી એક ઈન્ટરસેક્સ માણસ છે અને અફઘાનિસ્તાન માટે બોલવાને બદલે તેઓ પોતાની માતાના હત્યારાઓને શોધે છે. ખાને કહ્યું, 'બિલાવલ ભુટ્ટો જરદારી કહી રહ્યા છે કે હું અફઘાનિસ્તાનની વકીલાત કરું છું. અફઘાનિસ્તાનના લોકો અનાથ છે. પોતાના માતાપિતાના હત્યારાઓને શોધો. કોણે માર્યા છે અને કયા કારણોસર તેમની હત્યા કરવામાં આવી છે? તમારા જીવન પર ધ્યાન કેન્દ્રિત કરો. તમારા દેશની સમસ્યાઓ પર ધ્યાન આપો.

BIG: Afghan Taliban hits out at Pakistan for interfering in the internal affairs of Afghanistan’s Islamic Emirate Government. Afghan Taliban leader tears apart Pakistan Foreign Minister Bilawal Bhuttoo, asking him to find the killers of his mother.

pic.twitter.com/aSpGVUXJSl

— Aditya Raj Kaul (@AdityaRajKaul) January 5, 2023

જનરલ મોબીન તાલિબાનના કમાન્ડર છે અને સોશિયલ મીડિયા ટીમના ગ્રુપના પ્રમુખ છે. તે તાલિબાન શાસનના આંતરિક મંત્રીના નાના ભાઈ અને હક્કાની નેટવર્કના પ્રમુખ અનસ હક્કાનીની નજીક હોવાનું માનવામાં આવે છે. આ પહેલા તાલિબાને 1971ના યુદ્ધમાં ભારત સામે પાકિસ્તાનના આત્મસમર્પણ કર્યાની એક તસવીર શેર કરી હતી અને તેની મજાક ઉડાવી હતી. આ યુદ્ધના કારણે બાંગ્લાદેશનું નિર્માણ થયું હતું.

પાકિસ્તાનના ગૃહમંત્રી રાણા સનાઉલ્લાહ દ્વારા અફઘાનિસ્તાનમાં તહરીક-એ-તાલિબાન પાકિસ્તાન (TTP)ના ઠેકાણાઓ સામે સંભવિત સૈન્ય કાર્યવાહીના સંકેત આપ્યા બાદ બંને દેશો વચ્ચે શાબ્દિક યુધ્ધ શરૂ થઈ ગયું છે. તાલિબાન સરકારે પાકિસ્તાનના મંત્રીના નિવેદનનો સખત વિરોધ કર્યો હતો અને કહ્યું હતું કે તેનાથી બંને દેશોના સારા સંબંધોને નુકસાન થશે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.