‘પાકિસ્તાનને મદદની જરૂર છે’ આંતરરાષ્ટ્રીય સમુદાયને જો બાઇડનની અપીલ

અમેરિકાના રાષ્ટ્રપતિ જો બાઇડને આંતરરાષ્ટ્રીય સમુદાયને અભૂતપૂર્વ પૂરથી હેરાન થઇ રહેલા પાકિસ્તાનની મદદ કરવાનો આગ્રહ કર્યો છે. તેમણે કહ્યું કે, જળવાયુ પરિવર્તન સંકટનું સમાધાન કરવું જરૂરી છે, કારણ કે, ઘણા દેશ તેના લીધે હેરાન થઇ રહ્યા છે. બાઇડને બુધવારે સંયુક્ત રાષ્ટ્ર મહાસભાના 77માં સત્રને સંબોધિત કરતા કહ્યું કે, અમે પણ જાણીએ છીએ કે, આપણે જળવાયુ સંકટનો સામનો કરી રહ્યા છીએ. ગયા વર્ષની ઘટનાઓ બાદ કોઇને તેના પર સંદેહ ન હોવો જોઇએ. આપણે બેઠકોમાં શામેલ થયા કરે છે. આપણે બેઠકોમાં શામેલ થયા કરીએ છીએ. હવે, જ્યારે આપણે મળી રહ્યા છીએ, તો આ દરમિયાન પાકિસ્તાનનો વધારે પડતો વિસ્તાર જળમગ્ન છે. પાકિસ્તાનને મદદની સખત જરૂર છે.

બાઇડનના નિવેદન પર પાકિસ્તાનના વડાપ્રધાન શહબાઝ શરીફે ટ્વીટ કરીને ધન્યવાદ કહ્યું છે. શરીફ 23મી સપ્ટેમ્બરના રોજ સંયુક્ત રાષ્ટ્ર મહાસભાના સત્રને સંબોધિત કરશે, જેમાં તેઓ હાલમાં જળવાયુના કારણે આવેલી રેલથી પાકિસ્તાનની સામે ઉભરેલા પડકારોનો ઉલ્લેખ કરશે.

પાકિસ્તાનમાં ભારે વરસાદના કારણે આવેલા અભૂતપૂર્વ પૂરના કારણે 14મી જૂનથી અત્યાર સુધી 1576 લોકોના મોત થયા છે અને હજારો લોકો ઘાયલ થઇ ગયા છે. પાકિસ્તાન ગયા 3 દાયકામાં પૂરના કારણએ ઉપજેલી સૌથી ખરાબ સ્થિતિનો સામનો કરી રહ્યું છે અને દેશનો એક તૃત્યાંશ હિસ્સો જળમગ્ન છે. લગભગ ત્રણ કરોડ ત્રીસ લાખ લોકો પૂરના કારણે પ્રભાવિત થયા છે અને ઘર, પાક, પુલ, સડકો, પશુઓ બરબાદ થઇ ગયા છે.

Thank you President @JoeBiden for highlighting the plight of the flood victims in Pakistan and urging the world for an immediate response, as my country is facing the ravages of unprecedented floods. The calls of stranded women & children for help need to be heeded to. #UNGA

— Shehbaz Sharif (@CMShehbaz) September 22, 2022

પૂરથી અત્યાર સુધી 30 અબજ ડોલરના નુકસાનનું અનુમાન લગાવાઇ રહ્યું છે. બાઇડને પાકિસ્તાનના વડાપ્રધાન શહબાઝ શરીફની ઉપસ્થિતિમાં કહ્યું કે, પરિવારો સામે અસંભવ લાગતો વિકલ્પ છે અને તેઓ નક્કી નથી કરી શકતા કે કયા છોકરાને ખવડાવીએ અને કોને નહીં. તેઓ જીવશે કે નહીં તેના પર પણ પ્રશ્નાર્થ ચિન્હ છે. મનુષ્યો દ્વારા જળવાયુ પરિવર્તનની કિંમત ચૂકવાઇ રહી છે અને આ સમસ્યા વધી જ રહી છે.