ભારતનો પડોશી દેશ પાકિસ્તાન છેલ્લાં ઘણા સમયથી ભારે આર્થિક તંગીનો સામનો કરી રહ્યું છે. પાકિસ્તાનમાં તો અસર થઇ જ છે, પરંતુ સાથો સાથે પાકિસ્તાનના જે દેશોમાં કાર્યાલયો છે ત્યાં પણ આર્થિક મુશ્કેલી અસર જોવા મળી રહી છે.પાકિસ્તાન હાઇ કમિશન દિલ્હીમાં એક શાળાનું સંચાલન કરતું હતું, પરંતુ નાણાંની મુશ્કેલીને કારણે હવે આ સ્કુલ બંધ કરવાની નોબત ઉભી થઇ છે. કમિશને જણાવ્યું કે આ શૈક્ષણિક સત્ર પુરું થયા પછી દિલ્હી કમિશનની સ્કુલ બંધ કરી દેવામાં આવશે. છેલ્લા 5 મહિનાથી પાકિસ્તાન હાઇ કમિશનના સ્ટાફને પગાર પણ મળ્યો નથી.
પાકિસ્તાન હાઈ કમિશને ભારતની રાજધાની દિલ્હીમાં ઓછા પ્રવેશને કારણે તેની શાળાનું સંચાલન બંધ કરી દીધું છે. આ શાળા હાઈ કમિશનના કર્મચારીઓના બાળકોને શિક્ષણ આપવા માટે બનાવવામાં આવી હતી, પરંતુ જૂન 2020માં પાકિસ્તાને ભારતમાં તેના સ્ટાફમાં ભારે ઘટાડો કર્યા પછી, તેમાં વિદ્યાર્થીઓની સંખ્યામાં નોંધપાત્ર ઘટાડો થયો હતો.
મીડિયાના પ્રશ્નોના જવાબમાં, પાકિસ્તાન હાઈ કમિશનના પ્રવક્તાએ જણાવ્યું હતું કે હાઈ કમિશનના સ્ટાફની સંખ્યામાં ઘટાડો થવાને કારણે પ્રવેશમાં અછતને ધ્યાનમાં રાખીને વર્તમાન શૈક્ષણિક સત્ર પૂર્ણ થયા પછી પાકિસ્તાન હાઈ કમિશન સ્કૂલનું સંચાલન સ્થગિત કરી દેવામાં આવ્યું છે.
પાકિસ્તાન હાઈ કમિશનના પ્રવક્તાએ જણાવ્યું હતું કે, એ નોંધવું યોગ્ય છે કે પાકિસ્તાન હાઈ કમિશન સ્કૂલને સામાન્ય લોકો માટે ક્યારેય ખોલવામાં આવી ન હતી અને હાઈ કમિશનના કર્મચારીઓના બાળકોને શિક્ષણ આપવા માટે તેની સ્થાપના કરવામાં આવી હતી. પાકિસ્તાન છેલ્લા કેટલાક મહિનાઓથી આર્થિક સંકટનો સામનો કરી રહ્યું છે.
રિપોર્ટમાં કહેવામાં આવ્યું છે કે પાકિસ્તાની દૂતાવાસ દરરોજ વધી રહેલા ખર્ચને પહોંચી વળવા અને તેની મૂળભૂત જરૂરિયાતો પૂરી કરવામાં મુશ્કેલીનો સામનો કરી રહી છે. પરિણામે, શાળામાં કામ કરતા તમામ કર્મચારીઓને કાઢી મૂકવામાં આવ્યા હતા, જેમાં ઘણા ભારતીયો પણ હતા.
કેટલાંક લોકોનું એવું કહેવું છે કે પાકિસ્તાનમાં આવતા મહિને રજૂ થનારા નવા બજેટમાં દિલ્હીની સ્કૂલ માટે કોઈ પણ પ્રકારનું બજેટ સામેલ કરવામાં આવશે નહીં.
પાકિસ્તાનમાં આર્થિક સંકટની અસર તેના સરકારી કર્મચારીઓ પર પડી રહી છે. તેમનો પગાર ઓછો કરવામાં આવ્યો છે અથવા તો તેમનો પગાર મળવામાં વિલંબ થયો છે. એક રિપોર્ટ અનુસાર છેલ્લા 5 થી 6 મહિનાથી કોઈ કર્મચારીને પગાર મળ્યો નથી.
15.jpg)
