તાઈપેથી સિંગાપોર જઈ રહેલી એક ફ્લાઈટમાં તે સમયે હોબાળો મચી ગયો જ્યારે એક પોર્ટેબલ પાવર બેંકમાં અચાનક આગ લાગી ગઈ. મીડિયા રિપોર્ટ્સ અનુસાર આ અકસ્માતમાં બે મુસાફરો ઘાયલ થયા છે. હવે આ સમગ્ર ઘટનાનો વીડિયો સોશિયલ મીડિયા પર વાયરલ થઈ રહ્યો છે. કહેવામાં આવી રહ્યું છે કે જોરદાર ધડાકા સાથે ફ્લાઈટની અંદર પાવર બેંકમાં બ્લાસ્ટ થયો. આ પછી વિમાનમાં આગની જ્વાળાઓ દેખાવા લાગી, જેના કારણે ભાગદોડ થઈ ગઈ. ઘટના સમયે ફ્લાઈટ ટેકઓફ માટે રાહ જોઈ રહી હતી.
ફ્લાઇટના તમામ મુસાફરો તેમની સીટ પર હતા. વાયરલ વીડિયોમાં મુસાફરો પોતાને આગથી બચાવવાનો પ્રયાસ કરતા જોવા મળે છે. આગ લાગ્યા બાદ પ્લેનની અંદર ધુમાડો ભરાઈ જાય છે, જેના કારણે ઘણા મુસાફરોને ભારે હાલાકી ભોગવવી પડે છે. આ દરમિયાન ફ્લાઈટ એટેન્ડન્ટ આગ ઓલવવાનો પ્રયાસ કરતા જોવા મળે છે. ટ્વિટર એકાઉન્ટ @FlightModeblog પર ઘટનાનો આ વીડિયો શેર કરવામાં આવ્યો છે.
સોશિયલ મીડિયા પર આ ઘટના સાથે જોડાયેલો વીડિયો શેર કરવામાં આવ્યો છે. દાવો કરવામાં આવી રહ્યો છે કે આ વીડિયો તાઓયુઆન ઈન્ટરનેશનલ એરપોર્ટનો છે. આ ફ્લાઈટ તાઈવાનથી સિંગાપુર માટે ઉડાન ભરવાની હતી. ત્યારે અચાનક એક પોર્ટેબલ પાવર બેંકમાં આગ લાગી હતી. ફ્લાઈટના ક્રૂ મેમ્બરોએ આગની જ્વાળાઓમાંથી મુસાફરોને બચાવવાનું શરૂ કર્યું. આગ લાગ્યા બાદ ફ્લાઈટમાં અફરાતફરી મચી ગઈ હતી. ફ્લાઈટ એટેન્ડન્ટોએ મુસાફરોને શાંત પાડવાનો પ્રયાસ શરૂ કર્યો.
મીડિયા રિપોર્ટ્સમાં દાવો કરવામાં આવી રહ્યો છે કે આ ઘટનામાં બે મુસાફરો ઘાયલ થયા છે. ઘાયલો પૈકી એક પોર્ટેબલ ચાર્જરનો માલિક હોવાનું કહેવાય છે. અન્ય એક વ્યક્તિ તેની સાથે મુસાફરી કરી રહી હતી. આ બંને મુસાફરોને ઈજાઓ થઈ હોવાનું જાણવા મળ્યું છે. કહેવામાં આવી રહ્યું છે કે ઘટના સમયે ફ્લાઈટ ગ્રાઉન્ડ પર જ હતી અને ટેકઓફની તૈયારી કરી રહી હતી. જેના કારણે તરત જ તમામ મુસાફરોને સુરક્ષિત બહાર કાઢવામાં આવ્યા હતા. આ ઘટના બાદ ફ્લાઈટ કેન્સલ કરવામાં આવી હતી.
Passenger's power bank caught fire on #Scoot Airbus A320N (9V-TNE) flight #TR993 from #Taipei to #Singapore. The incident occurred while the aircraft was in the ground. Two passengers received minor injuries.
— FlightMode (@FlightModeblog) January 12, 2023
🎥©CNA#A320neo #Airbus #Powerbank #Taiwan #aviation #AvGeek #avgeeks pic.twitter.com/i1hDoohMPy
સ્થાનિક મીડિયાને આપેલા ઈન્ટરવ્યુમાં ફ્લાઈટમાં હાજર એક પેસેન્જરે જણાવ્યું કે કેબિનમાં અચાનક ધુમાડો નીકળવા લાગ્યો. ત્યારપછી એક મુસાફરે કોઈ ઈલેક્ટ્રોનિક આઈટમ ફ્લોર પર ફેંકી દીધી જેનાથી આગ લાગી ગઈ. પછી ખબર પડી કે તે પાવર બેંક હતી. ત્યારબાદ ક્રૂ મેમ્બરોએ આગ ઓલવવાનો પ્રયાસ શરૂ કર્યો હતો.
નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.
તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.
ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp
