રાહુલ ગાંધી નવા લુકમાં, કેમ્બ્રિજ યુનિ.માં ભાષણ આપવા જતા પહેલા 5 મહિનાની દાઢી...

લંડન પ્રવાસ દરમિયાન કોંગ્રેસના સાંસદ રાહુલ ગાંધીનો નવો લુક સામે આવ્યો છે. કેમ્બ્રિજ યુનિવર્સિટીમાં એક સેશનમાં લેક્ચર આપવા પહોંચેલા રાહુલ ગાંધી સૂટ-બૂટ પહેરેલા અને વાળ અને દાઢી કાપેલા 'કૂલ' અવતારમાં જોવા મળ્યા હતા. T-શર્ટ અને ફિટનેસ ઉપરાંત, તેની વધેલી દાઢી અને લાંબા વાળે પણ ભારત જોડો યાત્રા દરમિયાન ઘણી હેડલાઇન્સ બનાવી હતી. રાહુલ ગાંધીએ વિદેશમાં પોતાનું સમગ્ર દેખાવ બદલી નાખ્યો હતો.

લોકોએ તેમની સાથે લીધેલી સેલ્ફી સોશિયલ મીડિયા પર શેર કરી અને રાહુલ ગાંધીનો નવો લૂક ચર્ચામાં આવ્યો. રાહુલ ગાંધીની તસ્વીરોમાં જોવા મળી રહ્યું છે કે તેણે પોતાની દાઢી ટ્રિમ કરી છે અને હેર કટ પણ બદલ્યા છે. આ સિવાય તેણે સૂટ-ટાઈ અને બૂટ પહેર્યા છે.

પોતાના સાત દિવસીય UK પ્રવાસની શરૂઆતમાં કોંગ્રેસ નેતા રાહુલ ગાંધી કેમ્બ્રિજ યુનિવર્સિટી ખાતે એક સત્રને સંબોધિત કરવા પહોંચ્યા હતા. રાહુલ ગાંધી કેમ્બ્રિજ બિઝનેસ સ્કૂલના વિદ્યાર્થી રહી ચૂક્યા છે. રાહુલ ગાંધી ત્યાં વિદ્યાર્થીઓને '21મી સદીમાં સાંભળવાનું શીખો' વિષય પર સંબોધિત કરશે. આ સિવાય તે 'બિગ ડેટા એન્ડ ડેમોક્રેસી' અને 'ઇન્ડિયા ચાઇના રિલેશન' પર પણ ખુલીને વાત કરવાના છે. તે આ માટે ખૂબ જ તૈયાર થઈ ગયા છે. તેમણે વાળ અને દાઢી સેટ કરવા ઉપરાંત, સત્તાવાર ડ્રેસ એટલે કે સૂટ-બૂટ-ટાઈ પણ પહેરી હતી.

આની પહેલા વર્ષ 2022ની શરૂઆતમાં, ભારત જોડો યાત્રાની શરૂઆતથી જ, રાહુલ ગાંધીએ દાઢી નથી કપાવી. કન્યાકુમારીથી કાશ્મીર સુધીની 3570 KMની લાંબી કૂચ દરમિયાન તેમનું સફેદ ટી-શર્ટ, ફિટનેસ, વધેલી દાઢી અને વિખરાયેલા વાળ ટોક ઓફ ધ ટાઉન બન્યા હતા. હવે તેના ચાહકો અને વિરોધીઓ બંને તેના લઘર-વઘર દેખાવમાંથી, કોર્પોરેટ કૂલ લુકમાં બદલાવથી આશ્ચર્યમાં છે.

Rahul Gandhi reaches Cambridge.
Looking dapper in new look 🔥🔥 pic.twitter.com/ToHIMpwtJq

— Avishek Goyal (@AG_knocks) March 1, 2023

આ પહેલા કોંગ્રેસ સાંસદ રાહુલ ગાંધીએ છત્તીસગઢની રાજધાની રાયપુરમાં કોંગ્રેસના મહાઅધિવેશનમાં કેન્દ્રની BJP સરકાર પર આકરા પ્રહારો કર્યા હતા. પોતાના બાળપણના દિવસોને યાદ કરતા રાહુલ ગાંધીએ કહ્યું હતું કે, 52 વર્ષ થઈ ગયા છે, પરંતુ મારી પાસે પ્રયાગરાજથી દિલ્હી સુધી મારું પોતાનું ઘર નથી. તેમણે વિદેશ મંત્રી S જયશંકરના ચીન અંગેના નિવેદન પર નિશાન સાધ્યું. આ ઉપરાંત તેમણે આ વર્ષે યોજાનારી વિધાનસભા ચૂંટણી અને 2024ની લોકસભા ચૂંટણીને લઈને કોંગ્રેસની રણનીતિ વિશે પણ વાત કરી હતી.

Shri @RahulGandhi ji delivering lecture in Cambridge on “Learning to listen in the 21st century" pic.twitter.com/r1rGhQEmdk

— NSUI (@nsui) March 1, 2023

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.