ન્યુઝીલેન્ડના સૌથી મોટા શહેરમાં ફરી પાણી ભરાયું છે. વંગારેઇ શહેરમાં ગુફાઓની શોધખોળ કરતા શાળાના બાળકો પૂરના પાણીમાં ગુમ થઈ ગયા છે. ત્યાર પછી ઓકલેન્ડમાં સત્તાવાળાઓએ મંગળવારે કટોકટીની સ્થિતિ (ન્યૂઝીલેન્ડમાં ઈમરજન્સી) જાહેર કરી છે. ફાયર અને ઇમરજન્સી ક્રૂએ જણાવ્યું હતું કે, તેઓએ 200થી વધુ ફસાયેલા લોકોના કોલનો જવાબ આપ્યો છે, જેમાંથી મોટાભાગના ઓકલેન્ડમાં છે. મીડિયા સૂત્રોના જણાવ્યા જણાવ્યા અનુસાર, વરસાદ અને પૂરના કારણે ચાર લોકોના મોત થયા અને ઓકલેન્ડના મુખ્ય એરપોર્ટના કેટલાક ભાગોમાં પાણી ભરાઈ ગયા છે.
સૂત્રોના જણાવ્યા અનુસાર, શહેરના ઉત્તરમાં પૂરના પાણીથી ભરેલી ગુફામાં લાપતા વિદ્યાર્થીઓને બચાવકર્તા શોધી રહ્યા છે. મંગળવારે ભારે વરસાદને કારણે બેઝમેન્ટમાં પાણી ભરાઈ ગયા, કાર ફસાઈ ગઈ, ઝાડ ઉખડી ગયા અને ટ્રેન સેવાઓ ખોરવાઈ ગઈ. આ જ પ્રદેશમાં જાન્યુઆરીમાં રેકોર્ડ વરસાદ પડ્યો હતો અને એક મહિના પછી ચક્રવાત ગેબ્રિયલ આવ્યું હતું. ચક્રવાત ગેબ્રિયલના કારણે 11 લોકોના મોત થયા હતા. સ્થાનિક સમય અનુસાર બુધવારે સાંજ સુધી મુશળધાર વરસાદ ચાલુ રહેવાની ધારણા છે.
PM ક્રિસ હિપકિન્સે કહ્યું કે, દેશ માટે આ મુશ્કેલ સમય છે. તેમણે પત્રકારોને કહ્યું, 'અમે જાણીએ છીએ કે આ મુશ્કેલ છે. પરંતુ હું તમને વિનંતી કરું છું કે તમે તમારી જાતને સુરક્ષિત રાખો.' અધિકારીઓએ જણાવ્યું હતું કે, ભારે વરસાદ મધ્યરાત્રિ સુધી ચાલુ રહેવાની ધારણા છે, જોકે તેઓ ધારતા હતા કે સૌથી વધુ વરસાદ પહેલેથી જ થઈ ચૂક્યો છે. કેટલીક ટ્રેન અને બસ સેવાઓ રદ કરવામાં આવી હતી અને અધિકારીઓએ લોકોને બિનજરૂરી મુસાફરી ટાળવા વિનંતી કરી હતી. ગુમ થયેલા વિદ્યાર્થીઓ અંગે PM હિપકિન્સે જણાવ્યું હતું કે, તેઓ હજુ પણ વિદ્યાર્થી સાથે શું થયું તે અંગે વધુ માહિતી મેળવી રહ્યા છે. તેમણે શક્ય તેટલી તમામ મદદનું વચન આપ્યું છે.
પોલીસે જણાવ્યું હતું કે, વિદ્યાર્થીઓનું એક જૂથ વાંગરેઈની AB ગુફાઓમાં પ્રેક્ટિસ કરી રહ્યું હતું ત્યારે તેઓ મુશ્કેલીમાં મુકાઈ ગયા હતા. પોલીસે જણાવ્યું કે, શોધ અને બચાવ ટીમો, ગુમ થયેલા વિદ્યાર્થીને શોધવાનો પ્રયાસ કરી રહી છે, જ્યારે અન્ય વિદ્યાર્થીઓને બહાર કાઢવામાં આવ્યા છે. સ્થાનિક મીડિયાએ અહેવાલ આપ્યો છે કે, ગુમ થયેલ છોકરો પૂરના પાણીમાં વહી ગયો હતો. PM હિપકિન્સે કહ્યું, 'હું ત્યાં મારી ઊંડી ચિંતા અને શાળા સમુદાય માટે મારો સંપૂર્ણ સમર્થન વ્યક્ત કરવા માંગુ છું.'
7.jpg)
15.jpg)
