સ્કૂટી ચોરવા ગયા ચોર, પણ પોતાની જ સ્કૂટી છોડીને ભાગ્યા, જુઓ વીડિયો

કોઈ પણ ઘરમાં ચોરી કરવાનું ખૂબ જ ખતરનાક હોય છે. ચોરી કરતા પકડાઈ જવા પર ઢોર માર પડી શકે છે અને કેટલીક વખત તો મારી મારીને પતાવી દેવામાં આવે છે. એ છતા ગુનાહિત માનસિકતા ઘરાવતા લોકો ચોરી કરતા ઉપર આવતા નથી. ચોરી કરવા દરમિયાન ઘણી વખત એવી વાત થઈ જાય છે જેને જોઈને તમે પોતાની જાત પર હસતા રોકી શકતા નથી. ખાસ કરીને હવે ઘરે ઘર લાગી ગયેલા CCTV કેમેરાઓના કારણે એવા વીડિયો સામે આવવા લાગ્યા છે, જેમાં રૂવાટા ઊભા કરી દેતા દૃશ્ય નજરે પડી જાય છે.

એવો જ એક વીડિયો સોશિયલ મીડિયા પર વાયરલ થઈ રહ્યો છે, જેમાં ઘરની અંદર ઘૂસીને સ્કૂટી ચોરી કરવાનો પ્રયાસ કરી રહેલા ચોર એવું કામ કરી ગયા જેને જોઈને તમે હસી હસીને થકી જશો. સોશિયલ મીડિયામાં વાયરલ વીડિયોમાં 2 યુવક એક સ્કૂટી પર સવાર થઈને એક ઘરમાં ચોરી કરવા પહોંચે છે. તેમના નિશાના પર ઘરના આંગણાંમાં ઊભી સ્કૂટી હતી, જેને તેઓ ગેટ ખોલીને બહાર કાઢી પણ લે છે. ત્યારે ઘરની અંદરથી કોઇ યુવકની નજર તેમના પર પડી જાય છે અને તે દોડતો આવે છે.

Two thieves went to steal a motorcycle and ended up losing theirs. pic.twitter.com/BOSpL2PAjV

— CCTV IDIOTS (@cctvidiots) April 29, 2023

અંદરથી યુવકને આવતો જોઈને બંને ચોર એટલા ગભરાઈ જાય છે કે ચોરી કરેલી સ્કૂટી સાથે સાથે પોતાની સ્કૂટી પણ ત્યાં જ છોડીને ભાગી નીકળે છે. આ વીડિયો ટ્વીટર પર @cctvidiots નામના અકાઉન્ટથી પોસ્ટ થયો છે, પરંતુ તેના પર Merekam Jakartaનો વૉટરમાર્ક લાગ્યો છે. તેનાથી લાગી રહ્યો છે કે આ વીડિયો ઇન્ડોનેશિયાના જકાર્તાનો છે. વીડિયોમાં નજરે પડી રહેલા લોકો પણ ચહેરાથી ઇન્ડોનેશિયન રહેવાસી લોકો સાથે હળતા-મળતા દેખાય છે.

આ વીડિયો સોશિયલ મીડિયા પર ખૂબ વાયરલ થઈ રહ્યો છે. 2 એપ્રિલના રોજ CCTV કેમેરામાં કેદ થયેલા આ વીડિયોને 29 એપ્રિલના રોજ પોસ્ટ કરવામાં આવ્યો હતો. ત્યારબાદ આ વીડિયોને કરોડથી વધારે લોકો જોઇ ચૂક્યા છે, જ્યારે 2.95 લાખ લોકોએ તેને લાઇક કર્યો છે. તેને 29 હજારથી વધુ વખત રીટ્વીટ કરવામાં આવ્યો છે, જ્યારે 3,100થી વધુ લોકોએ તેના પર કમેન્ટ કરી છે. એક યુઝરે લખ્યું કે, બેચારા નમાજ માફ કરાવવા ગયા હતા, રોજા ગળે પડી ગયા. ઘણા લોકોએ ઘરની અંદરથી આવેલા યુવકના અવાજ પર આખો મોહલ્લો જમા થઈને ચોરોને પકડવા માટે ભેગા થવાના વખાણ કરી રહ્યા છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.