યુક્રેન અને રશિયા વચ્ચેના યુદ્ધ ચાલુ રહેવા પાછળનું રશિયાએ આપ્યું આશ્ચર્યજનક કારણ

લગભગ 10 મહિનાથી ચાલી રહેલું રશિયા અને યુક્રેન વચ્ચેનું યુદ્ધ ઘણા સમય પહેલા જ સમાપ્ત થઈ ગયું હોત, પરંતુ તે ક્યાં સુધી ચાલુ રહેશે… તેના વિશે કંઈપણ કહેવું મુશ્કેલ છે. કારણ કે અત્યારે આ યુદ્ધનો કોઈ અંત થતો દેખાઈ રહ્યો નથી. આ દરમિયાન રશિયાએ એક એવો દાવો કર્યો છે, જેને જાણીને તમે પણ ચોંકી જશો. રશિયાનું કહેવું છે કે અત્યાર સુધીમાં આ યુદ્ધ ખતમ થઈ ગયું હોત, પરંતુ અમેરિકા નથી ઈચ્છતું કે તે બંધ થાય. રશિયાએ આરોપ લગાવ્યો છે કે અમેરિકાના દમ પર જ યુક્રેન યુદ્ધ લડી રહ્યું છે. રશિયાએ કહ્યું- હવે યુદ્ધ ક્યારે સમાપ્ત થશે, આ બોલ યુક્રેનના જ પક્ષમાં છે.

રશિયાના વિદેશમંત્રી સર્ગેઈ લાવરોવે મંગળવારે ચેતવણી આપી હતી કે યુક્રેનને પોતાને "અસૈનિકીકરણ"અને પોતાને નાઝીવાદના પ્રભાવથી મુક્ત કરવું જોઈએ, નહીં તો રશિયન સેના આ મુદ્દાનું સમાધાન કરશે. લાવરોવે પશ્ચિમી દેશો પર આરોપ લગાવ્યો કે તે રશિયાને નબળું પાડવા માટે યુક્રેનમાં યુદ્ધને વેગ આપે છે. તેમણે કહ્યું કે 24 ફેબ્રુઆરીએ યુક્રેન પર રશિયાના આક્રમણ બાદ શરૂ થયેલો સંઘર્ષ કેટલો સમય ચાલશે તે કિવ અને વોશિંગ્ટન પર નિર્ભર છે. રશિયન વિદેશમંત્રીએ સરકારી સમાચાર એજન્સી તાસને કહ્યું કે, જો સંઘર્ષના સમયગાળાની વાત કરીએ તો બોલ યુક્રેનના પક્ષમાં છે અને તેની પાછળ વોશિંગ્ટન ઊભુ છે.

લાવરોવની ટિપ્પણી યુક્રેનના વિદેશમંત્રી દમિત્રો કુલેબાએ તે સાક્ષાત્કારના એક દિવસ બાદ આવી છે તેમાં કહ્યું હતું કે તેમની સરકાર ઈચ્છે છે કે યુદ્ધને સમાપ્ત કરવા માટે ફેબ્રુઆરીના અંત સુધીમાં સંયુક્ત રાષ્ટ્રમાં શાંતિ શિખર સંમ્મેલનનું આયોજન કરવામાં આવે. આ દરમિયાન યુક્રેનના દોતેસ્ક અને લુહાન્સ્ક પ્રદેશોમાં મંગળવારે પણ ભીષણ લડાઈ ચાલુ હતી. યુક્રેનના ડેપ્યુટી ડિફેન્સ મિનિસ્ટર હાના માલાયારે જણાવ્યું હતું કે રશિયન સેના દોતેસ્ક ક્ષેત્રમાં આવેલા બાખમત શહેરને ઘેરવાનો પ્રયાસ કરી રહ્યા છે. લુહાન્સ્કના ગવર્નર સેરહીય હૈદઈએ કહ્યું કે ક્રેમિના શહેરની આસપાસ ભીષણ લડાઈ ચાલુ છે. લાવરોવે કહ્યું કે યુક્રેનને વધુ પશ્ચિમી સહાય એક સીધો સંઘર્ષ તરફ લઈ જઈ શકે છે. તેમણે કહ્યું કે અમે પશ્ચિમમાં અમારા વિરોધીઓને ચેતવણી આપી રહ્યા છીએ કે કિવ માટે તેમનો સહયોગ યુક્રેનના સંકટને વધારશે. લાવરોવે આ અંગે માહિતી આપી ન હતી કે રશિયન સૈન્ય કેવી રીતે યુક્રેનના અસૈનિકીકરણ અને નાઝીવાદના પ્રભાવથી મુક્ત કરવાના તેના ધ્યેયને પ્રાપ્ત કરશે. રશિયાનો આરોપ છે કે યુક્રેનની સરકાર અતિ-રાષ્ટ્રવાદી અને નવ-નાઝી જૂથોથી ભારે પ્રભાવિત છે. જો કે આ દાવાને યુક્રેન અને પશ્ચિમી દેશોએ ફગાવી દીધો છે.