મહિલાએ તેના પતિ પાસે કરાર પર હસ્તાક્ષર કરાવ્યા છે. આમાં તેણે કહ્યું છે કે, જો પતિ છૂટાછેડા લેવાનું નક્કી કરે છે, તો તેણે આગામી 15 વર્ષ સુધી તેને નુકસાન ચૂકવવું પડશે. CVમાં વર્ક ગેપ દૂર કરવા માટે પતિએ પૈસા ચૂકવવા પડશે. પત્નીએ એક વીડિયોમાં પોતાના પર વીતી ચુકેલી સ્ટોરી શેર કરી છે.
લગ્ન પછી આજે પણ ઘણા દેશોમાં મહિલાઓ ગૃહિણી બનીને, નોકરી છોડીને માત્ર ઘર સુધી જ સીમિત રહી જાય છે. આપણે આખી દુનિયામાં આવું થતું જોઈએ છીએ. આ દરમિયાન તેના ગેરફાયદા દર્શાવતા ઘણા કિસ્સાઓ પણ સામે આવ્યા છે. છૂટાછેડા મળ્યા પછી, આ મહિલાઓને નોકરી મેળવવામાં ઘણી મુશ્કેલીનો સામનો કરવો પડે છે, કારણ કે CVમાં ઘણું મોટું અંતર આવી જાય છે. આ સમસ્યાને ઉકેલવા માટે, એક મહિલાએ તેના પતિની પાસે એક કરાર પર હસ્તાક્ષર કરાવ્યા છે. તેણે કહ્યું છે કે, જો તે તેને છૂટાછેડા આપે છે, તો તે તેને આગામી 15 વર્ષ માટે ચૂકવણી કરશે. આ પૈસા તેના CVમાં આવેલા ગેપ માટે વળતર સમાન હશે.
મહિલાએ આ મામલે સોશિયલ મીડિયા પર માહિતી આપી છે. જોકે કેટલાક લોકોને તેનો નિર્ણય ખોટો લાગી રહ્યો છે, પરંતુ ઘણા તેના વખાણ કરતા થાકતા નથી. આ મહિલાના Tiktok પર 26 હજારથી વધુ સબસ્ક્રાઈબર્સ છે. તેણે અહીં તેના પતિ સાથે થયેલો કરાર પણ બતાવ્યો. આ વીડિયોને અત્યાર સુધીમાં 6.3 મિલિયનથી વધુ લોકો જોઈ ચૂક્યા છે. તેણી કહે છે કે, પરિવાર માટે આટલું બધું કર્યા પછી પણ તે વધુ ખોટમાં રહેવા માંગતી નથી, તેથી તેણે કરાર પર હસ્તાક્ષર કરાવ્યા છે.
મહિલાએ કહ્યું, 'જ્યારે મેં લોકોને કહ્યું કે મેં મારા પતિની પાસે એક કરાર પર હસ્તાક્ષર કરાવ્યા છે કે જો હું ગૃહિણી તરીકે રહું છું અને તે છૂટાછેડા લેવાનું નક્કી કરે છે, તો તેમની પાસે છૂટાછેડા પછીના આગામી 15 વર્ષ સુધીના મારા કામના સમયગાળા દરમિયાન આવેલા અંતરને એક લેવલ પર લાવવા માટે મને રકમ ચૂકવવી પડશે. તેણે કહ્યું કે તેનો પતિ હંમેશા તેને હાઈફાઈ જિંદગીની જેમ 24/7 તેના માટે ઉપલબ્ધ રહેવાનું કહેતો હોય છે.
મહિલાના વીડિયો પર 8500થી વધુ લોકોએ કમેન્ટ કરી છે. એક યુઝરે કહ્યું, '10 વર્ષ સુધી ઘરે રહેવું અને બાળકોની સંભાળ રાખવી અને પછી નોકરી શોધવી એ એક ખરાબ સપના જેવું છે.' અન્ય એક યુઝરે કહ્યું, 'હું એક માણસ છું અને મને લાગે છે કે આ બિલકુલ સાચું છે. રોકાણકારો તેને 'કોસ્ટ ઓફ અપોર્ચ્યુનિટી' કહે છે. તમે ફરીથી 25 વર્ષના થવાના નથી, કે નથી તમને તે સમય જેવી તકો મળવાની.
15.jpg)
