એક 75 વર્ષીય વૃદ્ધ મહિલાએ કાયદાકીય લડાઈ જીતી લીધી છે. તેણે પોતાના બંને દીકરાઓને ઘરથી કાઢી મૂક્યા છે. મહિલાનું કહેવું છે કે તે એકલી જ રહેવા માગે છે. તેણે પોતાના દીકરાઓની તુલના ‘કીડાઓ’ સાથે કરી છે. વૃદ્ધ મહિલાના એક દીકરાની ઉંમર 42 વર્ષ અને બીજાની ઉંમર 40 વર્ષ છે. તે ઇચ્છતી હતી કે બંને દીકરા ક્યાંક દૂર જઈને રહે, પરંતુ તેઓ એ વાત સાંભળવા તૈયાર જ નહોતા. નોકરી લાગવા છતા બંને માતા સાથે જ રહેવા માગતા હતા.
ત્યારબાદ મહિલા તેમની વિરુદ્ધ કોર્ટ પહોંચી ગઈ. આ મામલો ઇટાલીનો છે. વૃદ્ધ અહીં પાવિયામાં રહે છે. જજ સિમોના કેટરબીએ તેના હક્કમાં ચૂકાદો આપ્યો છે. તેમણે કહ્યું કે, બંને દીકરાઓએ 18 ડિસેમ્બર અગાઉ પોતાની માતાનું ઘર છોડવું પડશે. સ્થાનિક ન્યૂઝ પોર્ટલના રિપોર્ટ મુજબ, મહિલા એટલે પોતાના દીકરાઓને સાથે રાખવા માગતી નથી કેમ કે બંને ઘર ખર્ચ માટે જરાય પૈસા આપતા નથી અને ન તો ઘર કામમાં મદદ કરતા હતા.
CNNના રિપોર્ટ મુજબ, મહિલાએ પોતાના બંને દીકરાઓને કોર્ટના દસ્તાવેજોમાં કીડા-મંકોડા કહ્યા છે. તેણે પાવિયા ડિસ્ટ્રિક્ટ કોર્ટના ટ્રિબ્યુનલમાં ફરિયાદ કરી હતી. જજ સિમોનાએ રિટાયર્ડ મહિલાને યોગ્ય ઠેરવી છે. તે પોતાના પતિથી અલગ થઈ ગઈ હતી. પછી બંને બાળકો તેની સાથે જ રહેવા લાગ્યા. વૃદ્ધ મહિલાનું બધુ પેન્શન ભોજનનો સામાન અને ઘરના મેન્ટેનેન્સ પર જ ખર્ચ થઈ જતું હતું. જજે ચૂકાદો આપતા કહ્યું કે, આ બંને બાળકોએ 18 ડિસેમ્બર સુધીમાં પોતાના માતાનું ઘર ખાલી કરવું પડશે.
વર્ષ 2022ના આંકડા બતાવે છે કે ઈટાલીમાં 18-34 વર્ષના 70 ટકા લોકો પોતાના માતા-પિતા સાથે રહે છે. તેમાં 72.6 ટકા પુરુષ અને 66 ટકા મહિલાઓ છે. તો વર્ષ 2019ની એક સ્ટડી બતાવે છે કે, માતા-પિતા સાથે એક જ છત નીચે રહેનારા 36.5 ટકા વિદ્યાર્થી છે, 38.2 ટકા પાસે નોકરી છે અને 23.7 ટકા નોકરીની શોધ કરી રહ્યા છે. તેમાં કોઈ શંકા નથી કે ઘણી પેઢીઓ એક છત નીચે રહેવાની ઈટાલીમાં પરંપરા રહી છે, પરંતુ હાલના વર્ષોમાં વધતી મોંઘવારીના કારણે માતા-પિતા સાથે રહેનારા લોકોની સંખ્યામાં વધારો થયો છે.
15.jpg)
