મહિલાએ તેના બીમાર પતિને ગોળી મારી, પોલીસને કહ્યું- પતિને આપેલું વચન પૂરું કર્યું

એક 76 વર્ષીય મહિલાએ હોસ્પિટલમાં દાખલ તેના મૃત્યુ પામેલા પતિને સારવાર દરમિયાન માથામાં ગોળી મારીને હત્યા કરી દીધી. મહિલાએ તેના પતિને વચન આપ્યું હતું કે જો તેની સ્થિતિમાં સુધારો નહીં થાય તો મહિલા તેને મારી નાખશે. આ કરાર લગભગ 3 અઠવાડિયા પહેલા પતિ-પત્ની બંને વચ્ચે થયો હતો. આ સમાચાર ન્યૂયોર્ક ટાઈમ્સ દ્વારા પ્રકાશિત કરવામાં આવ્યા છે. આ મહિલાનું નામ એલેન ગિલેન્ડ છે.

મળતી માહિતી મુજબ મહિલાના પતિ 77 વર્ષના જેરી ગિલેન્ડ હતા. તેઓ થોડા દિવસોથી ગંભીર રીતે બીમાર હતા. આવી સ્થિતિમાં લગભગ 3 અઠવાડિયા પહેલા, તેણે તેની પત્ની એલેન ગિલેન્ડ સાથે કરાર કર્યો હતો કે જો તેની તબિયતમાં સુધારો ન થાય તો તે તેને ગોળી મારી દે. કમનસીબે તેની તબિયતમાં કોઈ સુધારો થયો ન હતો. પતિને આપેલા વચનને યાદ કરીને ઈલેન બંદૂક લઈને એડવેન્ટ હેલ્થ હોસ્પિટલ પહોંચી. આ હોસ્પિટલ ડેટોના બીચ પર આવેલી છે.

ઈલેન હોસ્પિટલના 11મા માળે એક રૂમમાં પહોંચી જ્યાં તેના પતિને દાખલ કરવામાં આવ્યો હતો. કંઈપણ વિચાર્યા વિના, મહિલાએ તેના પતિના માથા પર બંદૂક મૂકી અને ટ્રિગર દબાવ્યું. આ માહિતી પોલીસ દ્વારા આપવામાં આવી છે.

ડેટોના બીચ પોલીસ ચીફ જકારી ઇ યંગે કહ્યું, 'મહિલાએ પ્લાન કર્યો હતો કે આ પછી તે પોતાને પણ ગોળી મારી દેશે. પરંતુ અંતે તે કરી શકી નહીં. તેણે ઉમેર્યું, તે ખૂબ જ દુર્ભાગ્યપૂર્ણ છે, તે ફક્ત કહે છે કે આપણામાંથી કોઈ પણ જીવનની કસોટીઓ અને મુશ્કેલીઓથી મુક્ત નથી. તેણે ઉમેર્યું કે જ્યારે પોલીસ આવી ત્યારે મહિલા તેના હાથમાંથી બંદૂક નીચે મૂકવા તૈયાર ન હતી. બાદમાં પોલીસે ફ્લેશ બેંગ ડિવાઈસનો ઉપયોગ કરવો પડ્યો હતો જેના પછી તેની પાસેથી બંદૂક છોડાવી શકાઈ હતી.

પોલીસે જણાવ્યું કે, મહિલાએ તેના પતિને ગોળી માર્યા બાદ ન તો ભાગવાનો પ્રયાસ કર્યો અને ન તો તે પોતાની જગ્યાએથી ઉઠી. એટલા માટે ક્રાઇમ સીન પરની દરેક વસ્તુ એ જ રૂમની અંદર હતી. તેમણે કહ્યું કે સમગ્ર કેસ દરમિયાન હોસ્પિટલના કોઈ સ્ટાફ કે અન્ય કોઈને કોઈ નુકસાન થયું નથી. પોલીસે આ સમયગાળા દરમિયાન મહિલાના પતિના સ્વાસ્થ્ય વિશે કોઈ માહિતી શેર કરી નથી. ઈલેન મિલેન્ડને વોલુસિયા કાઉન્ટી જેલમાં લઈ જવામાં આવી છે. પોલીસ ચીફે કહ્યું કે મહિલા ખૂબ જ દુઃખી છે, તેના માટે આ સ્થિતિ ઘણી મુશ્કેલ છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.