તાજેતરમાં જ ભારતના અબજોપતિ બિઝનેસમેનની યાદીમાં સામેલ થયેલા મહિન્દ્રા એન્ડ મહિન્દ્રાના એમિરિટ્સ ચેરમેન કેશબ મહિન્દ્રાનું આજે 12 તારીખે નિધન થયું છે. 99 વર્ષની વયે તેમણે જીવનના અંતિમ શ્વાસ લીધા હતા. હાલમાં જાહેર થયેલી ફોર્બ્સની 2023ની બિલિયનર લિસ્ટમાં તેમને ભારતના 16 નવા અબજોપતિની યાદીમાં સામેલ કરાયા હતા. તેઓ પોતાની પાછળ 1.2 અબજ ડોલરની સંપત્તિ છોડી ગયા છે. કેશબ મહિન્દ્રાએ 48 વર્ષો સુધી મહિન્દ્રા ગ્રુપનું નેતૃત્વ કર્યું હતું અને 2012મા તેમણે ચેરમેન પદ છોડી દીધું હતું.
The industrial world has lost one of the tallest personalities today. Shri Keshub Mahindra had no match; the nicest person I had the privilege of knowing. I always looked forward to mtgs with him and inspired by how he connected business, economics and social matters. Om Shanti.
— Pawan K Goenka (@GoenkaPk) April 12, 2023
તેમના નિધન પર INSPACeના અધ્યક્ષ પવન ગોયેન્કાએ ટ્વીટ કરીને શોક વ્યક્ત કર્યો હતો. તેમણે લખ્યું હતું કે, ઔદ્યોગિક જગતે આજના સૌથી મોટા વ્યક્તિત્વને ગુમાવી દીધા છે. કેશબ મહિન્દ્રાનો કોઇ મુકાબલો નહોતો. સૌથી સારા વ્યક્તિને જાણવાનું મને સૌભાગ્ય મળ્યું. હું હંમેશાં તેમને મળવા માટે ઉત્સુક રહેતો હતો અને તેમનાથી ખૂબ પ્રેરિત હતો. ઓમ શાંતિ.
દિવંગત કેશબ મહિન્દ્રાનો જન્મ 9 ઓક્ટોબર 1923ના રોજ શિમલામાં થયો હતો. તેમણે 1947મા પોતાના પિતાની કંપનીમાં કાર કરવાનું શરૂ કર્યું હતું. ત્યાર બાદ 1963મા તેમને મહિન્દ્રા ગ્રુપના ચેરમેન બનાવવામાં આવ્યા હતા. કેશબ મહિન્દ્રા બિઝનેસમેન આનંદ મહિન્દ્રાના કાકા હતા અને તેઓ હજુ સુધી મહિન્દ્રા એન્ડ મહિન્દ્રાના ચેરમેન એમેરિટ્સ હતા. 2012મા તેમને આ જવાબદારી મળી હતી. કેશબ મહિન્દ્રાએ અમેરિકાની પેન્સિલવેનિયા યુનિવર્સિટીથી ગ્રેજ્યુએટ કર્યું હતું. પોતાના કાર્યકાળમાં તેમણે ફોકસ યુટિલીટીથી જોડાયેલા વાહનોના નિર્માણમાં ગ્રોથ અને તેના વેચાણ વધારવા પર ધ્યાન આપ્યું હતું. વિલીજ જીપને અલગ ઓળખ અપાવવામાં તેમનું મહત્ત્વપૂર્ણ યોગદાન હતું.
15.jpg)
