પી. ટી. સાયન્સ કોલેજ ની મોટી સિદ્ધિ, દ. ગુજરાતની પહેલી ઓટોનોમસ કોલેજ બની

દક્ષિણ ગુજરાતની સાર્વજનિક એજ્યુકેશન સોસાયટી સંચાલિત સર પી ટી સાર્વજનિક કોલેજ ઓફ સાયન્સ સુરતને ડિસેમ્બર – 2022માં NAAC દ્વારા કરવામાં આવેલ એસેસમેન્ટમાં A+ ગ્રેડ (3.35 CGPA) પ્રાપ્ત થયેલ, તદુપરાંત છેલ્લા ત્રણ વર્ષથી કોલેજને CSIRPમાં 5 Star Rating પ્રાપ્ત થતું આવેલ છે.

કોલેજની આ સિધ્ધી યાત્રાની શરૂઆત વર્ષ 2007માં NAAC B++ ગ્રેડ પ્રાપ્ત કરવા સાથે થઈ હતી. ત્યારબાદ વર્ષ 2012-13માં Southern Gujarat Chamber of Commerce and Industry દ્વારા કોલેજને Best College તરીકેનો એવોર્ડ પ્રાપ્ત થયેલ હતો. ત્યારબાદ વર્ષ 2015માં NAAC દ્વારા રી એકેડિએશનમાં કોલેજે 3.03 (CGPA) સાથે A ગ્રેડ પ્રાપ્ત કર્યો હતો. કોલેજને University Grants Commision (UGC) દ્રારા "College with Potential for Excellence" (CPE)નું Status પ્રાપ્ત થયું હતું. કોલેજને ભારત અને ગુજરાત સરકાર તરફથી કુલ ગ્રાન્ટ 3 કરોડની મળી હતી. SSIP હેઠળ સંશોધનની બે પેટન્ટ નોંધાય હતી.

યુજીસી દ્વારા કોલેજને “Autonomous (સ્વાયત્ત) Status” પ્રાપ્ત થયું છે. આ સ્ટેટ્સ શૈક્ષણિક વર્ષ 2023-24થી દસ વર્ષ માટે મળેલ છે. આ પ્રકારનું ગૌરવ પ્રાપ્ત કરનાર સમગ્ર ગુજરાતમાં છઠ્ઠી અને દક્ષિણ ગુજરાત વિસ્તારમાં “Autonomous Status" પ્રાપ્ત કરનાર આ એક માત્ર અને પ્રથમ કોલેજ છે. આ સ્ટેટ્સ પ્રાપ્ત થતા પી. ટી. સાયન્સ કોલેજ વિવિધ વિદ્યાશાખાના અભ્યાસક્રમો, કોર્સીસ અને પરીક્ષા અંગેના નિર્ણય પોતાની રીતે લઈ શકશે. આ સ્વાયત્તતા પ્રાપ્ત થવા બદલ સંચાલક મંડળ, આચાર્ય, શૈક્ષણિક અને બિન-શૈક્ષણિક કર્મચારીઓ ગૌરવની લાગણી અનુભવે છે.