કેન્દ્રીય મંત્રી અનુરાગ ઠાકુરે ‘પઠાણ’ બોયકોટ ટ્રેન્ડ વિશે જાણો શું કહ્યું

લાંબા સમય બાદ રીલિઝ થયેલી શાહરૂખ ખાનની ફિલ્મ ‘પઠાણ’એ સફળતાના ઘણા રેકોર્ડ તોડી નાખ્યા છે. ‘પઠાણ’ પહેલા દિવસે 50 કરોડથી વધુ અને બે દિવસમાં 100 કરોડથી વધુની કમાણી કરી ચૂકી છે. જો કે, આ ફિલ્મને કેટલાક હિંદુ સંગઠનો દ્વારા બહિષ્કારનો સામનો કરવો પડ્યો હતો. બોયકોટ ટ્રેન્ડ પર કેન્દ્રીય મંત્રી અનુરાગ ઠાકુરનું મોટું નિવેદન આવ્યું છે. જ્યાં એક તરફ ફિલ્મ ‘પઠાણ’ સફળતાના ઝંડા લહેરાવી રહી છે. તો આ ફિલ્મને મધ્યપ્રદેશ અને અન્ય રાજ્યોમાં બહિષ્કારનો સામનો કરવો પડ્યો હતો. ઘણા સિનેમાઘરોમાં ફિલ્મની રીલિઝ પણ રોકી દેવામાં આવી હતી. ફિલ્મના પોસ્ટરો ફાડી નાખવામાં આવ્યા હતા. આ બધાની વચ્ચે કેન્દ્રીય મંત્રી અનુરાગ ઠાકુરનું નિવેદન પણ સામે આવ્યું છે. જેમાં તેમણે છેલ્લા કેટલાક સમયથી ચાલી રહેલા બોયકોટ ટ્રેન્ડ પર પણ વાત કરી.

ફિલ્મોના બોયકોટ ટ્રેન્ડના સવાલ પર અનુરાગ ઠાકુરે કહ્યું કે આપણી ફિલ્મો આજે દુનિયામાં પોતાનું નામ બનાવી રહી છે. ત્યારે બોયકોટ જેવી બાબતોથી વાતાવરણને અસર થાય છે. વાતાવરણ બગાડવા માટે, ઘણી વખત લોકો સંપૂર્ણ માહિતી વિના ટિપ્પણી કરે છે, તો તે નુકસાન પણ કરે છે, આવું ન થવું જોઈએ. તેમણે વધુમાં જણાવ્યું હતું કે ભારત સરકારે સેન્ટ્રલ બોર્ડ ઓફ ફિલ્મ સર્ટિફિકેશન બનાવ્યું છે કે જો કોઈ ફિલ્મ થિયેટરમાં જશે તો તે ત્યાંથી પસાર થશે. તે તમામ પાસાઓનું ધ્યાન રાખે છે. ત્યાંથી પરવાનગી લીધા બાદ તે થિયેટરમાં આવે છે.

મુંબઈમાં SCO ફિલ્મ ફેસ્ટિવલમાં કેન્દ્રીય મંત્રી અનુરાગ ઠાકુરે કહ્યું હતું કે 'SCO ફિલ્મ ફેસ્ટિવલમાં 5 દિવસમાં 14 દેશોની 58 ફિલ્મો પ્રદર્શિત કરવામાં આવશે, આ ભારત માટે તેની શ્રેષ્ઠ ફિલ્મોને વિશ્વમાં લઈ જવાની તક છે.'