રાજકોટમાં દર્શિતા શાહે ડેપ્યુટી મેયર પદેથી આપ્યું રાજીનામું

PC: khabarchhe.com

રાજકોટથી મોટા સમાચાર આવ્યા છે. રાજકોટની હાઈ પ્રોફાઇલ ગણાતી બેઠક રાજકોટ પશ્ચિમ પરથી ગત વિધાનસભાની ચૂંટણીમાં ભાજપમાંથી ડો. દર્શિતા શાહ ધારાસભ્ય તરીકે ચૂંટાયા હતા. જ્યારે અગાઉ તેઓ સ્થાનિક સ્વરાજ્યની ચૂંટણીમાં રાજકોટ મ્યુનિ.માં બીજેપીમાંથી કોર્પોરેટર તરીકે ચૂંટાયા હતા. ત્યાર બાદ તેઓને ડેપ્યુટી મેયરનું પદ આપવામાં આવ્યું હતું. જોકે ધારાસભ્ય બનતા તેઓએ આજે ડેપ્યુટી મેયર તરીકેના પદ પરથી રાજીનામું આપ્યું છે. હાલ, તેઓ કોર્પોરેટર તરીકે યથાવત રહેશે.

ડિસેમ્બર, 2022માં યોજાયેલી ગુજરાત વિધાનસભાની ચૂંટણીમાં રાજકોટ પશ્ચિમ બેઠક પરથી ભાજપમાંથી ડો. દર્શિતા શાહને ટિકિટ મળી હતી. તેઓ ચૂંટણી જીતીને ધારાસભ્ય બન્યા હતા. જો કે, આ પહેલા તેઓ સ્થાનિક સ્વરાજની ચૂંટણીમાં રાજકોટ મ્યુનિ.માં ભાજપમાંથી કોર્પોરેટર તરીકે ચૂંટાયા હતા અને ત્યાર બાદ ડેપ્યુટી મેયરની જવાબદારી તેમને આપવામાં આવી હતી. જો કે, હવે માહિતી મળી છે કે ડો. દર્શિતા શાહે ડેપ્યુટી મેયરના પદથી રાજીનામું આપ્યું છે. પક્ષના આદેશ બાદ રાજીનામું આપ્યું હોવાનું જાણવા મળ્યું છે. જણાવી દઈએ કે, ડો. દર્શિતા શાહના દાદા અને પિતા સંઘના પાયાના પથ્થર હતા. જ્યારે નરેન્દ્ર મોદી સાથે તેમનો પારિવારિક સંબંધ હતો.

ઉલ્લેખનીય છે કે ગત વર્ષના અંતે યોજાયેલી ગુજરાત વિધાનસભાની બેઠકમાં બીજેપીએ ઔતિહાસિક જીત મેળવી હતી. આ ચૂંટણીમાં વિપક્ષના સૂપડાં સાફ થયા હતા. બીજેપીએ 156 બેઠકો પર વિજય મેળવ્યો હતો. જ્યારે કોંગ્રેસ પાર્ટીને માત્ર 17 બેઠકો પર જ જીત મળી હતી. જ્યારે રાજ્યમાં નવા રાજકીય પક્ષ આપ આદમી પાર્ટીને 5 બેઠક અને અન્યને 4 સીટ પર જીત મળી હતી.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.

ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp