ચાંપાનેર દરગાહ તોડવા સમયે કોમી રમખાણ કેસમાં આજે કોર્ટે મોટો ચુકાદો આપ્યો છે. માહિતી મુજબ, કોર્ટે 18 આરોપીઓને પુરાવાના અભાવે નિર્દોષ જાહેર કર્યા છે. જણાવી દઈ કે, તાજેતરમાં સયાજીગંજના ધારાસભ્ય કેયુર રોકડિયાએ વડોદરા શહેરના મેયર પદેથી રાજીનામું આપ્યું હતું. ગતરોજ તેમણે વિધાનસભામાં ચાંપાનેર દરગાહની જગ્યા પર મૂકાયેલા પોલીસ વાહનો હટાવી લેવા માટે રજૂઆત પણ કરી હતી.
જણાવી દઈએ કે, વર્ષ 2006માં ડોદરા મ્યુનિસિપલ કોર્પોરેશન દ્વારા ચાંપાનેર દરવાજા પાસેની દરગાહના દબાણ હટાવવા બાબતે હિન્દુ-મુસ્લિમ કોમના ટોળાએ આમને-સામને પથ્થરમારો કર્યો હતો, જેમાં પોલીસ કર્મી સહિત અનેક લોકો ઇજાગ્રસ્ત થયા હતા. આ મામલે નવાપુરા પોલીસે 18 આરોપીઓની ધરપકડ કરી રાઇટીંગ પ્રોપર્ટી ડેમેજ સહિતની કલમો હેઠળ ગુનો નોંધ્યો હતો અને કોર્ટ કેસની કાર્યવાહી હાથ ધરી હતી. ત્યાર હવે આ મામલે કોર્ટે મોટો નિર્ણય લીધો છે.
માહિતી મુજબ, આ કેસની સુનાવણી દરમિયાન બંને પક્ષોની દલીલ અને સાક્ષી-પુરાવાની ચકાસણી બાદ 24મા એડિશનલ સિનિયર સિવિલ જજ તથા એડિશનલ ચીફ જ્યુડિશિયલ મેજિસ્ટ્રેટ બકુલભાઈ વિ. વસાવાએ નોંધ્યું હતું કે, જે તે સમયે આરોપીઓએ મંડળી બનાવી સરકારી પ્રોપર્ટીને નુકસાન પહોંચાડ્યું હોય તેવું રજૂ કરાયેલા સાક્ષીઓ અને પુરાવાથી સ્પષ્ટ થતું નથી.
કોર્ટે નોંધ્યું કે, પથ્થરમારો થયો તે હકીકતો પણ પુરવાર થતી નથી. માત્ર પોલીસની જુબાનીના આધારે આરોપીને દોષિત ઠરાવી શકાય નહીં. આ કેસમાં આરોપી તરીકે યાકુબ હુસેન ઉર્ફે બાબુ હજામ ખલીફા, રસુલ ઉર્ફે લઠ્ઠો પઠાણ, અખ્તીયાર ખાન ઉર્ફે લુલ પઠાણ, પિન્ટુ ખારવા, રજનીકાંત ઉર્ફે મુન્નો ખારવા, રાજેશ ઉર્ફે ધોબી લુનકર, રાજેશ ઉર્ફે બટકો ચૌધરી, જિગ્નેશ ખુટવડ, સુનિલ ઉર્ફે કાલુ ખારવા, અરુણ ખારવા, બંટી ખારવા, સુનિલ કહાર, સુનિલ ઉર્ફે ગેડીયો ધાડગે અને ગૌતમ ધાડગે (તમામ રહે- વડોદરા)નો સમાવેશ થાય છે. જ્યારે ઈસ્માઈલ શેખ તથા લોમેશ ખારવા હાલ હયાત નથી.
15.jpg)
