આ વખતે પડશે આકરી ગરમી પડવાની છે, IMDએ કહી આવી વાત

ઉનાળાની ઋતુ આવતાની સાથે જ લોકો ગરમીથી પોતાને બચાવવાની વ્યવસ્થા કરવા લાગે છે. કેટલાક કૂલરની વ્યવસ્થા કરવાનું શરૂ કરે છે અને કેટલાક તેમના AC સર્વિસ કરાવવા લાગે છે. તો ઘણા લોકો ઉનાળામાં તેઓ કેવા કપડાં પહેરશે તેની વ્યવસ્થા કરે છે. પરંતુ આ વખતે ઉનાળાની ઋતુ સંબંધિત ભારતીય હવામાન વિભાગ (IMD) દ્વારા આપવામાં આવેલા અપડેટને જાણવું જરૂરી છે. IMDએ આ વખતે વધુ ગરમી પડવાની સંભાવના વ્યક્ત કરી છે.

આ વર્ષે સામાન્ય કરતાં વધુ ગરમી પડવાની શક્યતા છે અને માર્ચના છેલ્લા સપ્તાહમાં ઈન્ડો-ગંગાના મેદાનો અને પૂર્વ ભારતના ભાગોમાં સામાન્યથી બેથી ત્રણ ડિગ્રી સેલ્સિયસથી વધુ તાપમાન નોંધાશે. IMDએ મંગળવારે એક ઉચ્ચ સ્તરીય બેઠકમાં આ માહિતી આપી હતી. કેબિનેટ સચિવ રાજીવ ગૌબાની અધ્યક્ષતામાં યોજાયેલી સમીક્ષા બેઠકમાં, IMD એ જણાવ્યું હતું કે પૂર્વ અને મધ્ય ભારત અને ઉત્તરપૂર્વ ભારત અને ઉત્તર પશ્ચિમ ભારતના કેટલાક ભાગોમાં મહત્તમ તાપમાન સામાન્ય કરતાં વધુ રહેવાની સંભાવના છે.

ગરમીની અસરોને ઓછી કરવા માટે લઈ શકાય તેવા પગલાંની સમીક્ષા કરવા માટે બોલાવવામાં આવેલી બેઠકમાં IMDએ જણાવ્યું કે માર્ચના અંતમાં ઈન્ડો-ગંગાના મેદાનો અને પૂર્વ ભારતના ભાગોમાં તાપમાન સામાન્ય કરતા બેથી ત્રણ ડિગ્રી સેલ્સિયસ વધારે નોંધાવાની સંભાવના છે. એક સત્તાવાર નિવેદન અનુસાર, કેબિનેટ સચિવે જણાવ્યું હતું કે તાપમાન સામાન્ય કરતાં વધુ રહેવાની અપેક્ષા હોવાથી રાજ્યો અને કેન્દ્રશાસિત પ્રદેશોએ તેની સાથે વ્યવહાર કરવા માટે પૂરતી તૈયારી કરવી જોઈએ.

કેબિનેટ સચિવ રાજીવ ગૌબાએ જણાવ્યું કે કેન્દ્રીય મંત્રાલયો અને વિભાગો રાજ્યો અને કેન્દ્રશાસિત પ્રદેશો સાથે મળીને કામ કરી રહ્યા છે જેથી ગરમીને લઈને કરવામાં આવી રહેલી તૈયારીના સ્તર સુનિશ્ચિત કરી શકાય અને પગલાંની સમયસર અમલીકરણની ખાતરી કરી શકાય. તેમણે મુખ્ય સચિવોને સંબંધિત વિભાગીય સચિવો અને જિલ્લા કલેક્ટરો સાથે સંભવિત ગરમીના મોજા માટે તૈયારીઓની સમીક્ષા કરવા વિનંતી કરી. ગૌબાએ રાજ્યોને ખાતરી આપી કે કેન્દ્રીય એજન્સીઓ તેમની સાથે નજીકથી સંકલન કરવાનું ચાલુ રાખશે અને જરૂરી સહાય માટે ઉપલબ્ધ રહેશે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.