મોડાસાનો ટ્રેક્ટર ઠગઃ શો રૂમ પરથી ટ્રેક્ટર લઈ અમરેલીમાં વેચવા મૂક્યું

અરવલ્લી જીલ્લાના મોડાસા શહેરમાં ટ્રેક્ટરનો શોરૂમ માલિકને ટ્રેક્ટર ખરીદનાર શખ્સ પર ભરોષો કરવો ભારે પડ્યો છે બાકરોલ (માળકંપા) ના શખ્સે આદર્શ ટ્રેક્ટરમાંથી એક શખ્સે 7 લાખનું ટ્રેક્ટર ખરીદી કરી ડાઉન પેમેન્ટ ભર્યા વગર ખરીદી કરેલ ટ્રેક્ટર બારોબાર અમરેલીના રવી દલાલને વેચી દઈ ટ્રેક્ટર શો-રૂમ માલિક સાથે છેતરપિંડી કરતા શો રૂમ માલિકે મોડાસા ટાઉન પોલીસ સ્ટેશનમાં અરજી આપી ઠગ્સ ઓફ ટ્રેક્ટર સામે કાયદેસર કાર્યવાહી કરવામાં આવેની માંગ કરી હતી. ન્યુ બ્રાન્ડેડ ટ્રેક્ટર કૌભાંડ આચરતી ગેંગ ગુજરાતમાં સક્રિય હોવાની ચર્ચાએ જોર પકડ્યું છે.

મોડાસા શહેરના હજીરા વિસ્તારમાં આદર્શ ટ્રેક્ટરનો શો-રૂમ ધરાવતા પ્રહલાદ ભાઈ ધનજીભાઈ પટેલે ટાઉન પોલીસ સ્ટેશનમાં બાકરોલ (માળકંપા)ના યુવરાજસિંહ તખતસિંહ રાઠોડ સામે ટ્રેક્ટર ખરીદી કરી ડાઉન પેમેન્ટ આપ્યા વગર 7 લાખનું ટ્રેક્ટર બારોબાર વેચી દીધું હોવાની અરજી ટાઉન પોલીસ સ્ટેશનમાં આપતા પોલીસે તપાસનો ધમધમાટ શરૂ કર્યો છે.

બાકરોલ (માળકંપા)માં રહેતા યુવરાજસિંહ રાઠોડે મોડાસા શહેરના આદર્શ ટ્રેક્ટર શો-રૂમમાંથી અન્ય એક ગ્રાહકની મદદથી વિશ્વાસ કેળવી ટ્રેક્ટરનું ડાઉન પેમેન્ટ 80 હજાર રૂપિયા અને લોનનો ચેક બીજા દિવસે આપવાનું કહીં 7 લાખ રૂપિયાનું ટ્રેક્ટર ખરીદી કરી બરોબર ટ્રેક્ટર અમરેલી રવિ નામના દલાલને વેચી દીધું હતું શો-રૂમ માલિકને રૂપિયા આપવા સતત ગલ્લા-તલ્લા કરતા શો રૂમ માલિકને તેમનું ટ્રેક્ટર અમરેલીના દલાલે ઓનલાઇન વેચાણ કરવા મૂક્યું હોવાની જાણ થતા તેમને દલાલનો સંપર્ક કરતા યુવરાજસિંહ રાઠોડ ન્યુ બ્રાન્ડેડ ટ્રેક્ટર રજીસ્ટ્રેશન વગર ઓછી કિંમતે આપતો હોવાનું જણાવ્યું હતું.

ટ્રેક્ટર માલિકે યુવરાજસિંહને પૈસા માટે સંપર્ક કરતા તેને રૂપિયાની જરૂર હોવાથી 2.80 લાખમાં ટ્રેક્ટર વેચી દીધું હોવાનું શો-રૂમ માલિકને જણાવતા તેમના પગ તળિયેથી જમીન ખસી ગઈ હતી. ઠગ્સ ઓફ ટ્રેક્ટર સામે ટાઉન પોલીસ સ્ટેશનમાં અરજી આપી કાયદેસરની કાર્યવાહી હાથધરી હતી.