સિયાચીનમાં ટેન્ટમાં આગ લાગવાથી કેપ્ટન શહીદ, લેફ્ટનન્ટ કર્નલ સહિત 6 ઈજાગ્રસ્ત

સિયાચીન ગ્લેશિયર પર આગ લાગવાની ઘટનામાં સેનાના એક અધિકારી શહીદ થયા છે, જ્યારે 6 લોકો ઈજાગ્રસ્ત થયા છે. ઈજાગ્રસ્ત જવાનોને સિયાચીન ગ્લેશિયરમાંથી બહાર કાઢીને હોસ્પિટલમાં લઈ જવામાં આવ્યા છે. મળતી માહિતી મુજબ આગની ઘટના સવારે 3.30 વાગ્યાની આસપાસ બની હતી.

મળતી માહિતી મુજબ સિયાચીન સેન્ટ્રલ ગ્લેશિયરમાં ભારતીય સેનાના દારૂગોળાના બંકર/ટેંટમાં આગ લાગી હતી. આ અકસ્માતમાં કેપ્ટન રેન્કના મેડિકલ ઓફિસરનું મોત થયું. આગ લાગવાનું કારણ શોર્ટ સર્કિટ હોવાનું કહેવાય છે. અકસ્માતમાં ઈજાગ્રસ્ત થયેલા જવાનોને હેલિકોપ્ટર દ્વારા ચંદીગઢ આર્મી હોસ્પિટલમાં દાખલ કરવામાં આવ્યા છે. મળતી માહિતી મુજબ, આ દુર્ઘટનામાં લેફ્ટનન્ટ રેન્કના અધિકારી સહિત છ લોકો ઈજાગ્રસ્ત થયા છે, જેમાં ત્રણ પોર્ટરનો પણ સમાવેશ થાય છે.

હજુ સુધી આ ઘટના અંગે કોઈ સત્તાવાર નિવેદન બહાર પાડવામાં આવ્યું નથી. પ્રારંભિક માહિતી મુજબ, શોર્ટ સર્કિટના કારણે આગ લાગી હતી અને તેમાં એક ઓફિસરનું મોત થયું. કહેવામાં આવી રહ્યું છે કે આગની જ્વાળા અન્ય કેટલાક ટેન્ટ સુધી પહોંચી ગઈ હતી. મૃતક અધિકારીની ઓળખ હજુ થઈ નથી, જ્યારે ઘાયલોની સારવાર શરૂ કરવામાં આવી છે. આ પહેલા પણ આગની આવી ઘટનાઓ બની છે પરંતુ સિયાચીન જેવી જગ્યાએ શોર્ટ સર્કિટના કારણે થયેલી દુર્ઘટનાએ સૌને ચોંકાવી દીધા છે.

Capt. Anshuman Singh (AMC) attained VEERGATI while saving his three jawans from an ammunition dump fire near his bunker in Siachen. #SARVOCHBALIDAN

We offer our condolences to the friends, colleagues, and family of Capt. Anshuman Singh. Om Shanti 🙏🏻🇮🇳 pic.twitter.com/pFZzEL9QbE

— Megh Updates 🚨™ (@MeghUpdates) July 19, 2023

મોટી વાત એ છે કે સેનાએ તેને દુર્ઘટના ગણાવી છે, એટલે કે કોઈપણ પ્રકારના કાવતરાના એંગલને ફગાવી દીધો છે. જાણકારી માટે તમને જણાવી દઈએ કે ભારતીય સેના મંગળવારે સિયાચીનમાં ખૂબ જ સક્રિય દેખાઈ હતી. અંકુશ રેખા પર તોપોનો પ્રયાસ કરવામાં આવ્યો હતો. આ કામ દુશ્મનોને સ્પષ્ટ સંદેશ આપવા માટે કરવામાં આવ્યું હતું કે દરેક પડકારનો સામનો કરવામાં આવશે અને યોગ્ય જવાબ આપવાથી પાછળ નહીં હટે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.