PM ISROના વૈજ્ઞાનિકોને મળતા શાહે કહ્યુ-સાચો નેતા દરેક સ્થિતિમાં લોકોની પડખે રહે

કેન્દ્રીય ગૃહ મંત્રી અને સહકારિતા મંત્રી અમિત શાહે કહ્યું છે કે સાચો નેતા દરેક પરિસ્થિતિમાં તેના લોકોની પડખે રહે છે. X પરની તેમની પોસ્ટ્સની શ્રેણીમાં, અમિત શાહે કહ્યું કે PM નરેન્દ્ર મોદી ભારતના સફળ ચંદ્ર મિશન ચંદ્રયાન 3 સાથે સંકળાયેલા ISROના વૈજ્ઞાનિકોને મળવા આજે સવારે ગ્રીસથી સીધા જ બેંગલુરુ પહોંચ્યા. બેંગલુરુમાં વૈજ્ઞાનિકોને તેમનું પ્રેરણાદાયી સંબોધન એ ભારતની આકાશને આંબી દેનારી સિદ્ધિની નિશાની હતી.

કેન્દ્રીય ગૃહ અને સહકારિતા મંત્રીએ કહ્યું કે 23 ઓગસ્ટ એ ભારત માટે ઐતિહાસિક દિવસ છે કારણ કે તે તેના ચંદ્ર મિશન ચંદ્રયાન 3 ની સિદ્ધિ દર્શાવે છે. PM નરેન્દ્ર મોદીએ આજે તેને 'રાષ્ટ્રીય અવકાશ દિવસ' તરીકે જાહેર કર્યો, જેથી આ મિશન પાછળના ભારતીય વૈજ્ઞાનિકોની સફળતાની ગાથા આવનારી દરેક પેઢી સુધી પહોંચે. આ નિર્ણય ભારતીય વૈજ્ઞાનિકોને 'ત્રિરંગા'ના ગૌરવને ઊંચો રાખીને અવકાશ સંશોધનના ક્ષેત્રમાં નવી ઊંચાઈઓ હાંસલ કરવા માટે પ્રેરણા આપતો રહેશે.

 અમિત શાહે કહ્યું કે આપણા વૈજ્ઞાનિકોએ ભારતના ચંદ્ર મિશનની ઐતિહાસિક સફળતા સાથે અમીટ છાપ છોડી છે. આ સિદ્ધિની ઉજવણી કરવા માટે, PM નરેન્દ્ર મોદીએ ચંદ્રયાન-3ના ઉતરાણ સ્થળને 'શિવ શક્તિ' નામ આપ્યું છે અને 'કોઈપણ નિષ્ફળતા કાયમી નથી' એ યાદ અપાવવા માટે ચંદ્રયાન-2 જ્યાં પડ્યું તે સ્થળને 'ત્રિરંગો' નામ આપ્યું છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.