સુપ્રીમ કોર્ટે સોમવારે જમ્મુ અને કાશ્મીરમાં વિધાનસભા સીટોના સીમાંકનને પડકારતી અરજીને ફગાવી દીધી હતી. આ અંગે પીડીપી ચીફ મહેબૂબા મુફ્તીનું નિવેદન આવ્યું છે. હવે આના પર નેશનલ કોન્ફરન્સના પ્રમુખ અને જમ્મુ-કાશ્મીરના પૂર્વ મુખ્યમંત્રી ફારૂક અબ્દુલ્લાએ ભાજપ સરકારની ઈરાદા પર સવાલ ઉઠાવ્યા છે.
ફારુક અબ્દુલ્લાએ કહ્યું, હું ભાજપ સરકારનો ઈરાદો જાણું છું. તેઓ ચૂંટણી પછી પણ J&K ને રાજ્યનો દરજ્જો આપવાના નથી. અન્યથા, તેઓ સીમાંકન નહીં કરતા. તેઓ તેને હિંદુ બહુમતી રાજ્ય બનાવવા માંગે છે, પરંતુ તેમનો એજન્ડા નિષ્ફળ જશે.
મહેબૂબા મુફ્તીએ તેમના નિવેદનમાં કહ્યું હતું કે જમ્મુ અને કાશ્મીર પુનર્ગઠન અધિનિયમ અને કલમ 370 પહેલાથી જ સુપ્રીમ કોર્ટમાં પેન્ડિંગ છે, તો પછી અમે કેવી રીતે અપેક્ષા રાખી શકીએ કે તેઓ કેન્દ્રશાસિત પ્રદેશમાં વિધાનસભા અને લોકસભા મતવિસ્તારોના પુનઃનિર્ધારણ માટે સીમાંકન આયોગ પર નિર્ણય કરશે. મહેબૂબાએ કહ્યું હતું કે, અમે શરૂઆતથી જ સીમાંકન પંચને ફગાવી રહ્યાં છીએ. અમને કોઈ પરવા નથી. નિર્ણય જે પણ હોય, અમે ક્યારેય ચર્ચાનો ભાગ નહોતા.
જણાવી દઈએ કે સુપ્રીમ કોર્ટે જમ્મુ-કાશ્મીરમાં વિધાનસભા અને લોકસભા મતવિસ્તારની પુનઃનિર્ધારણ માટે સીમાંકન આયોગની રચના કરવાના સરકારના નિર્ણયને પડકારતી અરજીને ફગાવી દીધી છે. જસ્ટિસ એસકે કૌલ અને જસ્ટિસ એએસ ઓકાની બેન્ચે કાશ્મીરના બે રહેવાસીઓની અરજી પર આ ચુકાદો આપ્યો હતો.
16.jpg)
15.jpg)
