અનરિઝર્વ્ડ ટિકિટ લેવા હવે લાઈનમાં ઊભા રહેવાની જરૂર નથી

ભારત સરકારે પોતાની પ્રેસ રીલિઝમાં જણાવ્યું કે, પશ્ચિમ રેલવેના અમદાવાદ ડિવિઝનમાં યાત્રીઓની સુવિધા માટે UTS એપ અને ATVM (ઓટોમેટિક ટિકિટ વિતરણ મશીન)ની સુવિધા ઉપલબ્ધ કરાવવામાં આવી છે. હવે યાત્રીઓને અનરિઝર્વ્ડ (સામાન્ય) રેલવે ટિકિટ મેળવવા માટે લાઈનમાં ઊભા રહેવાની જરૂર નથી. હવે યાત્રીઓ તેમની અનરિઝર્વ્ડ (સામાન્ય) ટિકિટ જાતે જ બુક કરીને તેમનો સમય અને નાણાં બંને બચાવી શકશે.

હવે યાત્રીઓ તેમના મોબાઈલ ફોનમાં UTS એપ ડાઉનલોડ કરીને ઘરે બેઠા કોઈપણ સ્ટેશનથી કોઈપણ સ્ટેશનની અનરિઝર્વ્ડ (સામાન્ય) ટિકિટ બુક કરી શકે છે અથવા સ્ટેશન પર ઉપલબ્ધ ATVM (સ્વચાલિત ટિકિટ વિતરણ મશીન) દ્વારા તમે જાતે કોઈપણ સ્ટેશનથી કોઈપણ સ્ટેશન સુધીની ટિકિટ બુક કરીને યાત્રા કરી શકો છો. તેના નીચે જણાવેલ મુખ્ય ફાયદાઓ છે-

યુટીએસ એપ (UTS APP)

• તમે ઘરે બેસીને અથવા સ્ટેશનની 20 KM ત્રિજ્યામાં રહીને તમારા પોતાના મોબાઇલ ફોન પર ટિકિટ બુક કરી શકો છો
• યાત્રા, સિઝન અને પ્લેટફોર્મ ટિકિટની સુવિધા ઉપલબ્ધ છે
• ચુકવણી માટે યુપીઆઈ/ડેબિટ કાર્ડ/ક્રેડિટ કાર્ડ અને R-Wallet સુવિધા ઉપલબ્ધ છે
• R-Wallet રિચાર્જ પર 3% વધારાની બોનસ રકમ મેળવો.
• સ્ટેશન પર જવાની અને ટિકિટ બારી પર લાઈન લગાવવાની ઝંઝટ નહીં
• સમય અને પૈસા બંને બચાવો.
• છુટ્ટા પૈસાની કોઈ સમસ્યા નહીં
• પેપરલેસ ટિકિટિંગની સુવિધા ઉપલબ્ધ છે.
• પર્યાવરણ માટે ફાયદાકારક.

એટીવીએમ (ATVM)

• સ્ટેશન પર જઈને ત્યાં ઉપલબ્ધ ઓટોમેટિક ટિકિટ વિતરણ મશીન (ATVM) પરથી પોતાની ટિકિટ બુક કરીને યાત્રા કરી શકો છો.
• યાત્રા,સિઝન અને પ્લેટફોર્મ ટિકિટની સુવિધા ઉપલબ્ધ છે.
• ચુકવણી માટે UPI QR કોડ અને રેલવે સ્માર્ટ કાર્ડની સુવિધા ઉપલબ્ધ છે
• રેલવે સ્માર્ટ કાર્ડ રિચાર્જ પર 3% વધારાની બોનસ રકમ મેળવો
• ટિકિટ બારી પર લાઈન લગાવવાની ઝંઝટ નહીં

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.