Notifications

Favourite List

પાક. ટીમને સપોર્ટ કરનારા દુકાનદાર પાસે લોકોએ લગાવડાવ્યા ભારત માતા કી જયના નારા

25 Feb, 2023
07:40 PM
PC: twitter.com\

ગોવાના કલિંગટમાં એક દુકાનદારને પાકિસ્તાની ક્રિકેટ ટીમનું સમર્થન કરવું ભારે પડ્યું. વાસ્તવમાં તેનો એક વીડિયો વાયરલ થયો હતો જેમાં તે પાકિસ્તાન ક્રિકેટ ટીમ માટે પોતાનું સમર્થન વ્યક્ત કરતો જોઈ શકાય છે. વીડિયો વાયરલ થયા બાદ લોકોના એક જૂથે જાહેરમાં વ્યક્તિ પાસેથી માફી મંગાવી અને એટલું જ નહીં, ભારત માતા કી જયના નારા પણ લગાવડાવ્યા. આ મામલો ઉત્તર ગોવાનો છે.

મળતી માહિતી મુજબ આ વીડિયો એક ટ્રાવેલ વ્લોગરે સોશિયલ મીડિયા પર શેર કર્યો છે. તેમાં ઉત્તર ગોવાના કલિંગટમાં દુકાનના માલિકને એવું કહેતા જોઈ શકાય છે કે તે પાકિસ્તાન ક્રિકેટ ટીમને સપોર્ટ કરી રહ્યો છે. જ્યારે તેમને પૂછવામાં આવ્યું કે શા માટે, તેમણે જવાબ આપ્યો કે તે મુસ્લિમ વિસ્તાર છે, તેથી તે પાકિસ્તાનને સમર્થન આપી રહ્યો છે. જણાવી દઈએ કે જે સમયે આ વીડિયો શૂટ થયો હતો તે સમયે પાકિસ્તાન અને ન્યૂઝીલેન્ડ વચ્ચે મેચ ચાલી રહી હતી.

વીડિયોમાં જોઈ શકાય છે કે વ્લોગર વ્યક્તિ સાથે થોડો સમય વાત કરી રહ્યો છે. વ્લોગરે દુકાનના માલિકને પૂછ્યું, કોણ રમી રહ્યું છે? શું તમે ન્યુઝીલેન્ડ માટે ઉત્સાહિત છો? તે વ્યક્તિ જવાબ આપે છે, પાકિસ્તાન માટે. પછી વ્લોગર તેને પૂછે છે શા માટે, જેના જવાબમાં તે વ્યક્તિ કહે છે, કારણ કે આ એક મુસ્લિમ વિસ્તાર છે.

આ વીડિયો વાયરલ થયા બાદ ગુરુવારે લોકોનું એક જૂથ દુકાનદાર પાસે પહોંચ્યું અને તેને પાકિસ્તાનને સમર્થન આપવા અંગે પૂછપરછ કરી. આ પછી, તેઓએ ન માત્ર દુકાનદારને માફી માંગવા માટે દબાણ કર્યું પરંતુ 'ભારત માતા કી જય' ના નારા પણ લગાવડાવ્યા. આનો એક વીડિયો પણ સોશિયલ મીડિયા પર વાયરલ થયો છે. વીડિયોમાં દુકાનદાર ઘૂંટણ પર બેસીને કાન પકડીને માફી માંગતો જોઈ શકાય છે. આ મામલે પોલીસનું કહેવું છે કે તેમને કોઈ ફરિયાદ મળી નથી.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.

ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp