અજીત પવારે પોતાની ભૂલ સ્વીકારી, કહ્યું- મારી પત્નીને મારી બહેન સામે...

મહારાષ્ટ્રના નાયબ મુખ્યમંત્રી અજીત પવારે મંગળવારે કહ્યું કે, તેમણે હાલમાં જ સંપન્ન થયેલી લોકસભાની ચૂંટણીમાં પોતાની પત્ની સુનેત્રા પવારને પિતરાઇ બહેન વિરુદ્ધ ઉતારીને ભૂલ કરી. મહારાષ્ટ્રમાં વર્ષના અંતમાં પ્રભાવિત વિધાનસભાની ચૂંટણી અગાઉ મતદાતાઓ વચ્ચે પહોંચ બનાવનારી કવાયદ હેઠળ રાજ્યભરમાં જન સન્માન યાત્રા’ કાઢી રહેલા અજીત પવારે કહ્યું કે, રાજનીતિને ઘર-પરિવારથી દૂર રાખવી જોઇએ.

લોકસભાની ચૂંટણીમાં સુનેત્રા પવારે મહારાષ્ટ્રની બારમતી સીટ પર રાષ્ટ્રવાદી કોંગ્રેસ પાર્ટી શરદ પવાર (NCP SP)ના ઉમેદવાર સુપ્રીમ સુલેને પડકાર આપ્યો હતો, જે અજીતના કાકા શરદ પવારની દીકરી હતી. જો કે, આ ચૂંટણીમાં સુનેત્રાને હારનો સામનો કરવો પડ્યો હતો, પરંતુ ત્યારબાદ તેઓ રાજ્યસભામાં ચૂંટાયા. ગયા વર્ષે જુલાઇમાં અજીત પવાર અને તેમના વફાદાર ધારાસભ્ય એકનાથ શિંદેની શિવસેના-BJP સરકારમાં સામેલ થઇ ગયા હતા, જેથી NCPમાં બે ફાડ થઇ ગઇ હતી. ત્યારબાદ ચૂંટણી પંચે અજીતના નેતૃત્વવાળા ગ્રુપને અસલી NCP જાહેર કરી હતી.

અજીત પવારે કહ્યું કે, હું મારી બધી બહેનોને પ્રેમ કરું છું. રાજનીતિને ઘર પરિવારથી બહાર રાખવી જોઇએ. મેં સુનેત્રાને ચૂંટણી મેદાનમાં પોતાની બહેન વિરુદ્ધ ઉતારીને ભૂલ કરી. એવું થવું જોઇતું નહોતું, પરંતુ (NCP) સંસદીય બોર્ડે આ નિર્ણય લીધો હતો. મને લાગે છે કે નિર્ણય ખોટો હતો. શું તેઓ આગામી અઠવાડિયે રક્ષાબંધન પર પોતાની બહેનને ત્યાં જશે? એમ પૂછવામાં આવતા અજીત પવારે કહ્યું કે, તેઓ અત્યારે એક યાત્રા પર છે અને જો તેઓ અને તેમની બહેનો એ દિવસે એક જ જગ્યા પર રહેશે તો તેઓ ચોક્કસ તેમને મળશે.

તેમણે માત્ર વિકાસ, ખેડૂતો, મહિલાઓ અને યુવાઓ માટે કલ્યાણકારી યોજનાઓના મુદ્દા પર બોલવા તેમજ પોતાની વિરુદ્ધ નિંદાનો જવાબ ન આપવાનો નિર્ણય લીધો. અજીતે એમ પણ કહ્યું કે, શરદ પવાર એક વરિષ્ઠ નેતા અને તેમના પરિવારના મુખિયા છે એટલે તેઓ તેમની કોઇ પણ નિંદાનો જવાબ નહીં આપે. સત્તાધારી ભાજપ અને શિવસેનાના શરદ પવારને નિશાનો બનાવવાના સવાલ પર અજીતે કહ્યું કે, મહાયુતિ ગઠબંધનના સહયોગીઓએ પણ સમજવું જોઇએ કે તેઓ શું બોલી રહ્યા છે.

તેમણે કહ્યું કે, જ્યારે અમે સાથે બેસીએ છીએ, તો હું પોતાના મંતવ્ય જાહેર કરું છું. અજીત હાલના દિવસોમાં મુખ્યમંત્રી લાડકી બહિન યોજના’નો પ્રચાર પ્રસાર પણ કરી રહ્યા છે, જેના હેઠળ મહિલાઓને દર મહિને 1500 રૂપિયાની આર્થિક મદદ ઉપલબ્ધ કરાવવામાં આવે છે.