ગજબ ટોપીબાજ, 3 લોકોએ મળીને ખોલી દીધી નકલી SBI બેંક, આ રીતે થયો પર્દાફાસ

On

કેટલીક વખત ગુના સાથે જોડાયેલી અજીબો-ગરીબ ઘટના સામે આવે છે. હવે એવી જ એક ઘટના તામિલનાડુથી સામે આવી છે, જ્યાં 3 લોકોએ મળીને ભારતીય સ્ટેટ બેંકની નકલી બ્રાન્ચ (SBI) ખોલી દીધી અને આ કોઈ 2-3 દિવસથી ચલાવી રહ્યા નહોતા, પરંતુ છેલ્લા 3 મહિનાથી SBIની નકલી બ્રાન્ચ ખોલી રાખી હતી. જો કે, તામિલનાડુ પોલીસે હવે આ લોકોની ધરપકડ કરી લીધી છે. તામિલનાડુ પોલીસે જણાવ્યું કે, એક અસામાન્ય ગુનામાં ભાગ લેવાના આરોપમાં પન્રુતિમાં 3 લોકોની ધરપકડ કરવામાં આવી છે.

3 લોકો 3 મહિનાથી SBIની નકલી બ્રાન્ચ ચલાવી રહ્યા હતા. ધરપકડ કરવામાં આવેલા લોકોમાં એક પૂર્વ બેંક કર્મચારીનો દીકરો પણ સામેલ છે. મીડિયા રિપોર્ટ મુજબ, પોલીસે જણાવ્યું કે, ગુનેગાર ગતિવિધિનો માસ્ટરમાઈન્ડ કમલ બાબુ હતો. કમલ બાબુના માતા-પિતા બંને પૂર્વ બેન્ક કર્મચારી હતા. તેના પિતાનું 10 વર્ષ અગાઉ મોત થઈ ગયું હતું, જ્યારે તેની માતા 2 વર્ષ અગાઉ બેંકથી રિટાયર્ડ થઈ ચૂકી હતી. તો એક વ્યક્તિ પન્રુતિમાં એક પ્રિન્ટિંગ પ્રેસ ચલાવે છે. ત્રીજો રબર સ્ટેમ્પ છાપવાનું કામ કરતો હતો.

3માંથી એક વ્યક્તિ પ્રિન્ટિંગ પ્રેસ ચલાવતો હતો, જેને ત્યાંથી બેંક સાથે જોડાયેલી બધી નકલી ચલણ અને દસ્તાવેજ છાપવામાં આવતા હતા. તેની સાથે જ રબર સ્ટેમ્પવાળી દુકાનથી બેંકના સ્ટેમ્પ વગેરે તૈયાર કરીને લગાવવામાં આવતા હતા, જેથી લોકોને તેમની છેતરપિંડીની શંકા ન જાય. નકલી બ્રાન્ચ ત્યારે શંકાના ઘેરામાં આવી ગઈ, જ્યારે એક SBI ગ્રાહકે પન્રુતિમાં શાખા જોઈ અને અસલી SBI બ્રાન્ચના મેનેજરને તેની ફરિયાદ કરી. નવી શાખા બાબતે જાણ્યા બાદ SBI ઝોનલ અધિકારી પણ ચોંકી ગયા.

ત્યારબાદ કાર્યાલયે બેંક મેનેજરને તેની જાણકારી આપી. પન્રુતિમાં પહેલાથી જ બે SBI બ્રાન્ચ ખુલેલી હતી, એ છતા ગુનેગારોએ વધુ એક બ્રાન્ચ ખોલી દીધી. મેનેજરને પણ માત્ર 2 SBI બ્રાન્ચ બાબતે ખબર હતી. નવી ત્રીજી બ્રાન્ચ તેમના કાગળો પર ક્યાંય નહોતી. જ્યારે એ વાતની જાણકારી મોટા અધિકારીઓને થઈ તો તેની તપાસ કરવા માટે એ જગ્યાની મુલાકાત લીધી. જોવામાં તે એકદમ SBI જેવી હતી. ત્યારબાદ અધિકારીઓએ પોલીસને જાણકારી આપી, ત્યારબાદ તેમની ધરપકડ કરી લીધી. પોલીસ મુજબ કોઈ ટ્રાન્ઝેક્શન થયું નહોતું.

Related Posts

Top News

ગુજરાત ફુડ સેફ્ટી સ્ટાન્ડર્ડ ઓથોરિટીનો જોઇન્ટ ડાયરેક્ટર 25000ની લાંચ લેતા પકડાયો

ફુડ સેફ્ટી સ્ટાન્ડર્ડ ઓથોરિટીનો ગુજરાતનો જોઇન્ટ ડાયરેકટર અને કલાસ-1 અધિકારી 25,000વી લાંચ લેતા રંગે હાથે પકડાઇ ગયો છે. ફરિયાદીને ફુડ...
Gujarat 
ગુજરાત ફુડ સેફ્ટી સ્ટાન્ડર્ડ ઓથોરિટીનો જોઇન્ટ ડાયરેક્ટર 25000ની લાંચ લેતા પકડાયો

IPLની તૈયારીઓમાં વ્યસ્ત હાર્દિક પંડ્યાએ કેમ કહ્યું- અઢી મહિનામાં બધું બદલાઈ ગયું

ભારતના સ્ટાર ઓલરાઉન્ડર હાર્દિક પંડ્યા કહે છે કે, છેલ્લા કેટલાક મહિનામાં સમયનું ચક્ર તેના માટે સંપૂર્ણ 360 ડિગ્રીનો વળાંક...
Sports 
IPLની તૈયારીઓમાં વ્યસ્ત હાર્દિક પંડ્યાએ કેમ કહ્યું- અઢી મહિનામાં બધું બદલાઈ ગયું

સરકાર શું ફેરફારો કરી રહી છે, જેના લીધે મુસ્લિમો વક્ફ બિલ વિરુદ્ધ ધરણા પર ઉતર્યા?

વકફ બિલને લઈને રસ્તાઓ પર લડાઈ શરૂ થઈ ગઈ છે. સંસદના બજેટ સત્રનો બીજો તબક્કો ચાલી રહ્યો છે અને વક્ફ...
National 
સરકાર શું ફેરફારો કરી રહી છે, જેના લીધે મુસ્લિમો વક્ફ બિલ વિરુદ્ધ ધરણા પર ઉતર્યા?

ગુજરાતના ઇતિહાસમાં પહેલીવાર સુરતમાં થશે ચૈત્રી નવરાત્રીએ 10 દિ' ગરબા, 10 મોટા સ્ટાર્સની હાજરી

ગુજરાત અને નવરાત્રી એક બીજાના પર્યાય છે. ‘જ્યા જ્યા ગુજરાતી, ત્યાં ત્યાં નવરાત્રી!’ અને હવે, એ પરંપરાને એક નવો રંગ,...
Gujarat 
ગુજરાતના ઇતિહાસમાં પહેલીવાર સુરતમાં થશે ચૈત્રી નવરાત્રીએ 10 દિ' ગરબા, 10 મોટા સ્ટાર્સની હાજરી
Copyright (c) Khabarchhe All Rights Reserved.