આ વિદેશી વેજિટેબલને ભારતમાં સુપરહિટ, આ છે તે ખાવાના ફાયદા

PC: freepik.com

દેશના ખેડૂતોમાં  વિદેશી શાકભાજી અને ફળોની ખેતી કરવાનું ચલણ ખાસ્સું ઝડપથી વધી રહ્યું છે. આ ખેતીમાં નફોની સંભાવના પણ વધારે હોવાને કારણે સરકાર પણ ખેડૂતોને પ્રોત્સાહિત કરી રહી છે. જેના અનુસંધાનમાં ફલાવર જેવું દેખાતું શાક બ્રોકલીની ખેતી કરીને ખેડૂતો તગડો નફો કરી રહ્યા છે. બજારમાં ફલાવર કિલોએ 20 રૂપિયાનું મળે છે તો બ્રોકલી તમને 50 રૂપિયે કિલો મળશે.

આપણા દેશમાં જે રીતે ફલાવરનુ શાક જેને ફૂલકોબી પણ કહેવામાં આવે છે તેની જેમ જ બ્રોકલીની પણ ખેતી કરવામાં આવે છે. જમીન અને આબોહવા પણ ફૂલવારની જેમ જ જરૂરી છે. , બ્રોકલીની પ્રારંભિક જાતો રોપ્યા પછી 60 થી 65 દિવસમાં તૈયાર થઈ જાય છે.  તેની અવધિની જાતો રોપ્યા પછી 75-90 દિવસમાં તૈયાર થાય છે. આ સિવાય બ્રોકલીની  પછેતી જાતો રોપ્યા પછી 100-120 દિવસમાં તૈયાર થઈ જાય છે. નિષ્ણાતોના કહેવા મુજબ, જો ખેડૂતો બ્રોકલીની પ્રોપર વેમાં ખેતી કરે તો બે-ત્રણ મહિનામાં જ 4થી 5 લાખ રૂપિયા આરામથી કમાઇ શકે છે.

બ્રોકલીની સૌથી વધારે ખેતી ચીન, અમેરિકા અને સ્પેનમાં થાય છે, જો કે, ભારતમાં ખેડૂતો બ્રોકલીની ડી સિક્કો, સેલેબ્રસ, ગ્રીન બડ અને હાઇબ્રિડ જાતોમાં ગ્રીન મેજિક, જીપ્સી, આર્કેડિયા, બાલ્થમ 29, ગ્રીન સ્પ્રાઉટિંગ મીડિયા,ડેસ્ટિની, મેરેથોન અને એમરાલ્ડ, પુસા બ્રોકોલી-1, કેટીએસ-1, પાલમ વિચિત્ર, પાલમ સમૃદ્ધિ, લેટ ક્રોના, ગ્રીન સર્ફ જેવી જાતો તેમના ખેતરમાં ઉગાડી રહ્યા છે.

બ્રોકલીમાં મેગ્નેશિયમ, ફોસ્ફરસ, ઝિંક અને કેલ્શિયમ મોટી માત્રામાં જોવા મળે છે, જે શરીરના હાડકાંને મજબુત કરે છે. તબીબો પણ બ્રોકલી ખાવાની સલાહ આપતા હોય છે.

બ્રોકલીના જે છોડ હોય છે તે 20થી 25 ડિગ્રીના તાપમાનમાં સારી રીતે ઉછરે છે. તે રોપાઓ અને બીજ બંને સ્વરૂપે ઉગાડવામાં આવે છે. આ માટે નર્સરીમાં બીજ તૈયાર કરવામાં આવે છે. જો તમે ઇચ્છો તો, તમે રજિસ્ટર્ડ નર્સરીમાંથી તૈયાર છોડ પણ ખરીદી શકો છો. જેને લીધે તમારો સમય પણ બચશે અને પાક પણ જલ્દીથી મળશે. આ છોડ તંદુરસ્ત અને 1 મહિના જુનો હોવો જોઇએ. આ છોડની રોપણી સપાટ અને માટી નાંખીને પણ કરી શકાય છે.

કૃષિ નિષ્ણાતોનું કહેવું છે કે, એક હેક્ટરમાં 80 થી 100 ક્વિન્ટલ બ્રોકલીનું ઉત્પાદન થઈ શકે છે. બજારમાં તે રૂ.50 પ્રતિ કિલો સુધી વેચાય છે. આવી સ્થિતિમાં જો ખેડૂત આ પાકની યોગ્ય ખેતી કરે તો તે બે-ત્રણ મહિનામાં સરળતાથી 4-5 લાખનો નફો કમાઈ શકે છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.

ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp