સુરતમાં આમ આદમી પાર્ટીના નેતા ગોપાલ ઈટાલિયાની ક્રાઈમ બ્રાન્ચે અટકાયત કરી છે. વિધાનસભાની ચૂંટણી પહેલા બદનક્ષીની ફરીયાદ ગોપાલ ઈટાલિયા પર અગાઉ નોંધાઈ ચૂકી છે. હર્ષ સંઘવી સામે આ ટિપ્પણી બદલ ફરીયાદ કરવામાં આવી હતી. જેથી આ મામલે અટકાયત કરાઈ હોવાનું જાણવા મળી રહ્યું છે. ગોપાલ ઈટાલિયાએ દાવો કર્યો છે કે ધરપકડ બાદ જામીન પર મારો છૂટકારો થયો છે.
આ મામલે CM અરવિંદ કેજરીવાલે ટ્વીટ કરીને લખ્યું હતું કે, ગુજરાતમાં આમ આદમી પાર્ટીના શાનદાર પ્રદર્શનથી BJP એવી બોખલાઇ ગઈ છે કે હવે અમારા ગુજરાતના નેતા ગોપાલ ઈટાલિયાની ધરપકડ કરી લેવામાં આવી છે. BJPનો બસ હવે એક જ ઉદ્દેશ છે કંઇ રીતે આમ આદમી પાર્ટીને ખત્મ કરવામાં આવે. એક એક કરીને બધાને જેલમાં નાખી રહ્યા છે આ લોકો.
ગોપાલ ઈટાલિયાને ક્રાઈમ બ્રાન્ચની ઓફિસમાં લઈ જવામાં આવ્યા છે. પ્રાથમિક ધોરણે તેની અટકાયત માટે કોઈ ચોક્કસ કારણ બહાર આવ્યું નથી પરંતુ સૂત્રો તરફથી પ્રાપ્ત થતી વિગતો અનુસાર ગૃહ રાજ્ય મંત્રી હર્ષ સંઘવી પર કરવામાં આવેલી ટીપ્પણીને લઈને આ અટકાયત કરવામાં આવી છે.
जब से आम आदमी पार्टी ने गुजरात में अपनी ताक़त दिखाई है तब से सारे भाजपाई डरे हुए है।
— Gopal Italia (@Gopal_Italia) April 17, 2023
किसी न किसी तरीक़े से ये भ्रष्ट भाजपाई आम आदमी पार्टी को ख़त्म करना चाहते है लेकिन हम लोग @ArvindKejriwal के ईमानदार सिपाही है, जेल या मुक़दमे से डरेंगे नहीं।
हम यूँही लड़ते रहेंगे, जीतेंगे। https://t.co/07zk1vB8ji
આપ નેતા ગોપાલ ઈટાલિયા સામે ઉમરા પોલીસ સ્ટેશનમાં અગાઉ ફરીયાદ કરવામાં આવી હતી. આ ફરીયાદ તેમણે અગાઉ કરેલી ટીપ્પણી બદલ દાખલ કરાઈ હતી. ભાજપ કાર્યકર્તાએ આ ફરીયાદ અક્ષોભનીય શબ્દો મામલે કરવામાં આવેલી ટીપ્પણીના કારણે દાખલ કરાઈ હતી. ગૃહમંત્રી રાજ્યમંત્રી હર્ષ સંઘવીને ડ્રગ્સ સંઘવી કહેવા બદલ પોલીસ ફરીયાદ દાખલ કરવામાં આવી હતી. ગુજરાતમાં બેફામ નશાનો વેપાર થાય છે તેમ આક્ષેપ ઈટાલિયાએ લગાવ્યો હતો આ સાથે તેમણે આ ટીપ્પણી અગાઉ વિધાનસભાની ચૂંટણી દરમિયાન કરી હતી.
15.jpg)
