આ રાજ્યની BJP સરકાર કહે છે છઠ્ઠું જ્યોતિર્લિંગ મહારાષ્ટ્ર નહીં તેમના રાજ્યમાં છે

મહાશિવરાત્રી પહેલા, આસામ સરકારે એક જાહેરાત બહાર પાડી છે જેમાં દાવો કરવામાં આવ્યો છે કે ભારતનું છઠ્ઠું જ્યોતિર્લિંગ આસામના કામરૂપ જિલ્લામાં ડાકિની ટેકરી પર સ્થિત છે. મહારાષ્ટ્રમાં વિરોધ પક્ષો આસામ સરકારના આ દાવાની આકરી ટીકા કરી રહ્યા છે. વાસ્તવમાં એવું માનવામાં આવે છે કે છઠ્ઠું જ્યોતિર્લિંગ મહારાષ્ટ્રમાં પુણે નજીક ભીમાશંકરમાં આવેલું છે.

આ અંગે વાંધો વ્યક્ત કરતા મહારાષ્ટ્ર કોંગ્રેસે કહ્યું છે કે ભાજપ મહારાષ્ટ્રમાંથી ભગવાન શિવને છીનવી લેવા માંગે છે. તે જ સમયે, હવે આ વિવાદમાં NCP પણ કૂદી પડ્યું છે. શરદ પવારના પૌત્ર અને NCP વિધાનસભ્ય રોહિત પવારે કહ્યું – હજારો વર્ષોથી છઠ્ઠું જ્યોતિર્લિંગ અહીં છે, એ બધા જાણે છે. આસામમાં ચૂંટણી છે, તેથી તેઓ અમારા જ્યોતિર્લિંગનો દાવો કરી રહ્યા છે. અમે તેનો વિરોધ કરીએ છીએ. આવો દાવો કરીને આસામના સીએમ શું સાબિત કરવા માગે છે? બીજા કોઈ મુદ્દે રાજકારણ કરો. બળવા પછી આસામના સીએમ એકનાથ શિંદેનું ખૂબ ધ્યાન રાખ્યું હતું.

કોંગ્રેસના ધારાસભ્ય ભાઈ જગતાપે કહ્યું કે તેઓએ (ભાજપ) પહેલા ભગવાન રામના નામ પર રાજનીતિ કરી અને હવે જ્યોતિર્લિંગ પર રાજનીતિ કરી રહ્યા છે. મહારાષ્ટ્રમાં હજારો વર્ષોથી જ્યોતિર્લિંગ છે. ભાઈ જગતાપે કહ્યું કે રામ મંદિરનો મુદ્દો સમાપ્ત થઈ રહ્યો છે, તેથી તેઓ નવો મુદ્દો ઉઠાવી રહ્યા છે. ભગવાન શિવના નામનો ઉપયોગ પોતાના ફાયદા માટે ન કરો. સીએમ શિંદે અને આસામના સીએમ બંને સારા મિત્રો છે, તેથી બંનેએ સાથે બેસીને વાતચીત દ્વારા આ વિવાદનો અંત લાવવો જોઈએ.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.