સૌને પીવાનું શુદ્ધ પાણી મળી રહે તે માટે સરકાર કટિબદ્ધ છેઃ મંત્રી કુંવરજી બાવળીયા

PC: khabarchhe.com

પાણી પુરવઠા અને જળસંપત્તિ વિભાગના મંત્રી કુંવરજી બાવળીયાએ આજરોજ કામરેજ તાલુકાના ધોરણ પારડી ખાતે રૂ. 126 કરોડના ખર્ચે નિર્માણ થઇ રહેલી મહુવેજ જુથ પાણી પુરવઠા યોજના હેઠળ ઈન્ટેકવેલના કામની મુલાકાત લીધી હતી.

તેમણે જણાવ્યું હતું કે, સૌને પીવાનું શુદ્ધ પાણી મળી રહે તે માટે સરકાર કટિબદ્ધ છે. રાજય સરકાર આગામી દાયકાઓની વસ્તીને પાણીની જરૂરીયાતને ધ્યાને લઈને યોજનાઓ તૈયાર કરી રહી છે.

તાપી નદીમાંથી મહુવેજ જુથ પાણી પુરવઠા હેઠળ 35 MLD પાણીની ક્ષમતા ધરાવતી યોજના સાકારિત થઇ રહી છે. જેનાથી માંગરોળ, માંડવી અને ઓલપાડના 20 ગામોને 11 MLD પાણી રો-વોટર તથા માંગરોળ તાલુકાના 15 ગામોને 24 MLD ફિલ્ટર પાણી આપવામાં આવશે. જે માટે ધામડોદ ખાતે પ્લાન્ટનુ કાર્ય પ્રગતિ હેઠળ છે. આ મહુવેજ યોજનાનુ 78 ટકા કાર્ય પૂર્ણ કરવામાં આવ્યું છે. ડિસેમ્બર-2023ના અંતિત સુધીમાં કામગીરી પૂર્ણ કરવામાં આવશે. આમ આ યોજનાથકી 1.68 લાખની વસ્તીને પીવાના પાણીની મળી રહેશે. આ અવસરે પાણી પુરવઠાના કાર્યપાલક ઈજનેર જતીન પટેલ, જિલ્લા પુરવઠા અધિકારી સાવલીયા, સરપંચ તથા અન્ય અધિકારીઓ ઉપસ્થિત રહ્યા હતા.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.

ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp