સુરત-કામરેજ પાસે બાઈક સવાર દંપત્તિ સાથે અકસ્માતમાં 4 લોકોના મોત

સુરતમાં અકસ્માતની ઘટનાઓ વારંવાર શહેર અને જિલ્લાઓમાં બની રહી છે, ત્યારે ફરી એકવાર અકસ્માતની ઘટના સામે ઈવી હતી. સુરતમાં કામરેજ અંત્રોલી પાસે અકસ્માતમાં બાઈક સવાર દંપત્તી સાથે 4 લોકો મોત નિપજ્યા છે જ્યારે ઇજાગ્રસ્તને સારવાર માટે ખસેડવામાં આવ્યા હતા.

પીકઅપ ટેમ્પો બાઈક સાથે અથડાતા આ ગોઝારી ઘટના બની હતી. છાસવારે વાહનોના અકસ્માતોમાં લોકોના જીવ જઈ રહ્યા છે. બેફામ રીતે હંકારાતા વાહનો અને મોટા વાહનોના અથડાવાથી આ પ્રકારની ઘટનાઓ બની રહી છે. આ મામલે કામરેજ પોલીસે ગુનો દાખલ કરીને વધુ તપાસ હાથ ધરી છે. અકસ્માતમાં ગંભીર રીતે ઘાયલ અન્ય 1 વ્યક્તિને સારવાર માટે હોસ્પિટલમાં દાખલ કરવામાં આવ્યો છે.

સામેથી ગમખ્વાર રીતે આવી રહેલા પીકઅપ ટેમ્પાના ચાલકે સ્ટેરીંગ પરથી કાબુ ગુમાવ્યો હતો અને આ અકસ્માત સર્જાયો હતો. ટેમ્પાના ચાલકે ડિવાઈડર વળાંક પર આવતા બાઇક સવારને ફંગોળી દેતા તેમાં સવાર દંપત્તિનું મોત નિપજ્યુ હોવાની જાણકારી મળી છે. બનાવ અંગે કામરેજ પોલીસે વધુ તપાસ હાથ ધરશે. આ બેદરકારીના કારણે 4 લોકોનું પ્રાણ પંખેરું વિખેરાઈ ગયું હતું. અકસ્માતના બનાવો ખૂબ ચિંતાનજનક રીતે વધી રહ્યા છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.