ધોનીના સંન્યાસ બાદ અચાનક બધી જવાબદારી મારા પર આવી ગઈ છેઃ હાર્દિક પંડ્યા

મેચ બાદ હાર્દિક પંડ્યાએ કહ્યું હતું કે  મારે હવે એમ.એસ.ધોનીનો રોલ ભજવવાનો છે. તેણે કહ્યું કે, મને હંમેશાં સિક્સ મારવાની મજા આવે છે. હવે મારે સમજદારીથી રમવું પડશે. હું પાર્ટનરશીપમાં વિશ્વાસ રાખું છું અને હું મારા બેટિંગ પાર્ટનર અને ટીમને વિશ્વાસ અપાવવા માગું છું કે હું અહિયા જ છું. મેં આ ખેલાડીઓ કરતા વધુ મેચ રમી છે અને એટલે જ ખબર છે કે દબાણમાં કેવી રીતે રમવાનું છેને માહોલને શાંત બનાવવાનો છે. કદાચ એટલા માટે મારે મારા સ્ટ્રાઇક રેટનો ઓછો કરવો પડે. હું હંમેશાં નવા રોલ માટે તૈયાર રહું છું. માહી ભાઈ જ્યારે રમી રહ્યા હતા ત્યારે હું યુવાન હતો અને દરેક જગ્યાએ તાબડતોડ શોટ લગાવ્યો હતો. પરંતુ તેના સંન્યાસ બાદ અચાનક તમામ જવાબદારી મારી ઉપર આવી ગઈ છે. મને આની પરવાહ નથી. અમે રિઝલ્ટ હાંસલ કરી રહ્યા છીએ અને આના માટે ધીમું પણ રમવું પડે તો મને એમાં કોઈ વાંધો નથી.

ભારત અને ન્યૂઝીલેન્ડ વચ્ચેની T20 અને વન-ડે સીરિઝ બંને સમાપ્ત થઇ ગઇ છે. વન-ડે સીરિઝમાં ભારતીય ટીમે ન્યૂઝીલેન્ડને 3-0થી ક્લીન સ્વીપ કરી તો T20 સીરિઝ ભારતીય ટીમે 2-1થી પોતાના નામે કરી લીધી. T20 સીરિઝની ત્રીજી અને અંતિમ મેચ 1 ફેબ્રુઆરીના રોજ અમદાવાદના નરેન્દ્ર મોદી ક્રિકેટ સ્ટેડિયમમાં રમાઇ હતી, જેમાં ભારતીય ટીમે 166 રનોની મોટી જીત હાંસલ કરી છે. આ જીત સાથે ભારતીય ટીમે સીરિઝ 2-1થી સીરિઝ પણ પોતાના નામે કરવામાં સફળ રહી.

તો આ જીતમાં પહેલા તો શુભમન ગિલની સદીની મદદથી સ્કોરબોર્ડ પર 234 રનોનું વિશાળ લક્ષ્ય લગાવવામાં સક્ષમ રહી. ત્યારબાદ બીજી ઇનિંગમાં ભારતીય બૉલિંગનો દબદબો રહ્યો. જેમાં સૂર્યકુમાર યાદવે અવિશ્વસનીય ફિલ્ડિંગ કરીને મહત્ત્વની ભૂમિકા ભજવી. તો હવે આ ઐતિહાસિક જીત બાદ કેપ્ટન હાર્દિક પંડ્યાએ મોટું નિવેદન આપ્યું છે. કેપ્ટન હાર્દિક પંડ્યાએ સીરિઝ સમાપ્ત થયા બાદ ‘પ્લેયર ઓફ ધ સીરિઝ’ના એવોર્ડ સન્માનિત કરવામાં આવ્યો હતો.

તેણે આ સીરિઝમાં 33ની એવરેજથી બેટિંગ કરતા 66 રન અને સૌથી વધુ 5 વિકેટ લીધી છે. જેના કારણે તેને આ એવોર્ડ આ આવ્યો હતો. ત્યારબાદ હાર્દિક પંડ્યાએ મોટી પ્રતિક્રિયા આપી. તેણે કહ્યું કે, મને (મેન ઓફ ધ સીરિઝ એવોર્ડ) જીતવામાં કોઇ પરેશાની નથી, પરંતુ અહીં ઘણા એવા પ્રદર્શન કરનારા ખેલાડી હતા, જે અસાધારણ હતા. આ મેન ઓફ ધ સીરિઝ અને ટ્રોફી આખા સપોર્ટ સ્ટાફને જાય છે. હું આ બધા માટે ખુશ છું. (વસ્તુઓને અલગ રીતે કરવા પર) સાચું કહું તો હું હંમેશાં આ પ્રકારની રમત રમુ છું. હું વાંચવાનો પ્રયત્ન કરું છું કે શું જરૂરી છે, પૂર્વકલ્પિત વિચાર નથી.

કેપ્ટન હાર્દિક પંડ્યાએ આગળ પોતાના નિવેદનમાં એ વાતનો ઉલ્લેખ કર્યો કે તે પોતાની કેપ્ટન્સીમાં વસ્તુઓને સરળ રાખવા માગે છે. સાથે જ તેણે એમ પણ કહ્યું કે, કેપ્ટન તરીકે તે પડે છે તો પોતાની શરતો પર નીચે પાડવા માગે છે. પોતાની કેપ્ટન્સીમાં તેને સરળ રાખવા માગું છું અને પોતાની જાતને બેક કરવા માગું છું. મારો એક સરળ નિયમ છે. જો હું પડું છું તો હું પોતાની શરતો પર નીચે જઇશ. અમે પડકાર લેવાની વાત કરી છે. જ્યારે અમે IPL ફાઇનલ રમી તો લાગ્યું કે બીજી ઇનિંગ મજેદાર છે, પરંતુ આજે આ સપાટી પર હું સામાન્ય મેચ બનાવવા માગતો હતો કેમ કે તે નિર્ણાયક હતી. એટલે અમે પહેલા બેટિંગ કરી. આશા છે કે અમે આ પ્રકારના પ્રદર્શન યથાવત રાખીશું.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.