IPL: આજે જે હારે એ બહાર, મુંબઈ ટોસ જીત્યું, શું કહો છો કોણ જીતશે? MI કે LSG?

IPLની કરો યા મરો મેચમાં આજે રોહિત શર્માએ ટોસ જીતીને લખનૌ સામે પહેલા બેટિંગ કરવાનો નિર્ણય લીધો છે. કૃણાલ પંડ્યાએ પણ કહ્યું કે તે ટોસ જીત્યું હોત તો પહેલા બેટિંગ જ લેત. ટીમની વાત કરીએ તો મુંબઈ ઈન્ડિયન્સે કુમાર કાર્તિકેયની જગ્યાએ રિતિક શોકિનને સ્થાન આપ્યું છે. 

ચેન્નાઈમાં રમાનારી એલિમિનેટર મેચમાં મુંબઈની ટીમ લખનૌ સામે ટકરાશે. લીગ તબક્કા દરમિયાન લખનૌ ત્રીજા અને મુંબઈ ચોથા ક્રમે રહ્યું હતું. લીગ તબક્કામાં બંને ટીમો વચ્ચેની મેચમાં લખનૌએ મુંબઈને 5 રને હરાવ્યું હતું. જ્યારે, બીજી તરફ છેલ્લી સિઝનમાં બંને વખત લખનૌએ મુંબઈ પર જીત મેળવી હતી. આ મેચ માટે આંકડા કઈ ટીમની તરફેણમાં સાક્ષી આપી રહ્યા છે તેની તરફ એક નજર કરીએ.

મુંબઈના ઝડપી બોલર ક્રિસ જોર્ડને 10 ઇનિંગ્સમાં ચાર વખત ક્વિન્ટન D કોકને આઉટ કર્યો છે અને D કોક તેના બોલમાં માત્ર 14 રન જ બનાવી શક્યો છે અને 10 ઇનિંગ્સમાં માત્ર 59 રન જ બનાવી શક્યો છે.

જ્યારે, લેગ સ્પિનર પીયૂષ ચાવલાએ પણ ચાર ઇનિંગ્સમાં બે વખત Dકોકને આઉટ કર્યો છે. ઉપરાંત, D કોકનું બેટ પિયુષની સ્પિન સાથે તાલમેલ રાખી શક્યું નથી. તે પીયૂષના બોલ પર 64ના સ્ટ્રાઈક રેટ અને સાડા ચારની સરેરાશથી માત્ર 9 રન જ બનાવી શક્યો છે.

લખનૌના બેટ્સમેન માર્કસ સ્ટોઈનીસનું બેટ ખાસ કરીને જોર્ડનના બોલને પસંદ કરે છે, તેથી જ સ્ટોઈનીસ અત્યાર સુધી 9 T20 ઈનિંગ્સમાં 151 રન બનાવી ચૂક્યો છે. આ દરમિયાન તેનો સ્ટ્રાઈક રેટ 248 રહ્યો છે અને આ દરમિયાન જોર્ડન એક વખત પણ સ્ટોઈનીસનો શિકાર કરી શક્યો નથી.

મુંબઈના સુકાની રોહિત શર્માએ લખનૌના લેગ-સ્પિનર અમિત મિશ્રાની સ્પિનથી સાવચેત રહેવું પડશે કારણ કે તેણે 17 IPL ઇનિંગ્સમાં રોહિતને સાત વખત આઉટ કર્યો છે. આ ઉપરાંત, રોહિત એવા બેટ્સમેનોની યાદીમાં સામેલ થઈ ગયો છે જેઓ IPLમાં સાત વખત એક જ બોલરનો શિકાર બન્યા છે. આ દરમિયાન રોહિત 96ના સ્ટ્રાઈક રેટ સાથે 12ની એવરેજથી માત્ર 87 રન જ બનાવી શક્યો છે.

જ્યારે, રોહિત રવિ બિશ્નોઈની સ્પિન બોલિંગ સામે પણ સંઘર્ષ કરી રહ્યો છે. તે બિશ્નોઈના બોલ પર 17ની એવરેજથી પાંચ ઇનિંગ્સમાં માત્ર 34 રન જ બનાવી શક્યો છે અને બે વખત બિશ્નોઈ દ્વારા આઉટ થયો છે. લખનૌના ફાસ્ટ બોલર અવેશ ખાને પણ રોહિતને ત્રણ ઇનિંગ્સમાં બે વખત આઉટ કરી ચુક્યો છે.

બિશ્નોઈની સ્પિન બોલિંગ સામે મુંબઈના બેટ્સમેન સૂર્યકુમાર યાદવનું બેટ શાંત થઈ જાય છે. અત્યાર સુધીમાં છ IPL ઇનિંગ્સમાં, બિશ્નોઈએ સૂર્યકુમારને ત્રણ વખત આઉટ કર્યો છે અને તે 9ની એવરેજથી માત્ર 29 રન જ બનાવી શક્યો છે.

મિશ્રા અને બિશ્નોઈની સામે મુંબઈના ઓપનર ઈશાન કિશન સામે ડબલ પડકાર હશે. બંને સ્પિનરો કિશનને 3-3 વખત આઉટ કરી ચૂક્યા છે. ઉપરાંત, કિશન તેની સ્પિન બોલિંગ સામે રન બનાવી શકતો નથી. કિશન બિશ્નોઈ સામે IPLની પાંચ ઈનિંગ્સમાં માત્ર 21 રન જ બનાવી શક્યો છે, જ્યારે મિશ્રા સામે તે IPLની ત્રણ ઈનિંગ્સમાં માત્ર 8 રન જ બનાવી શક્યો છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.