શું ભારતીય ટીમના ચીફ સિલેક્ટર બનવા BCCIએ સેહવાગનો સંપર્ક કર્યો? વિરુએ આપ્યો જવાબ

BCCIએ ભારતીય ટીમના નવા ચીફ સિલેક્ટરની શોધખોળ શરૂ કરી દીધી છે, જેના માટે જાહેરાત પણ બહાર પાડી દેવામાં આવી છે. જેમાં સૌથી વધુ ચર્ચા વિરેન્દર સેહવાગના નામની ચાલી રહી છે. પરંતુ આ અંગે વિરેન્દર સેહવાગે નિવેદન આપીને બધી ચર્ચા પર હાલમાં તો પૂર્ણવિરામ મૂકી દીધું છે. એવી અફવા ચાલી રહી હતી કે, BCCIએ ટીમ ઈન્ડિયાના પૂર્વ ધૂઆંધાર ખેલાડી વિરેન્દર સેહવાગનો કોન્ટેક્ટ કર્યો અને ઓફર કરી છે, પરંતુ આ અંગે સેહવાગનું નિવેદન કંઇક અલગ કહે છે. સેહવાગે કહ્યું હતું કે, BCCI તરફથી તેને કોઈ ઓફર આવી નથી, આમાં જરા પણ સત્યતા નથી.

BCCIના પૂર્વ ચીફ સિલેક્ટર ચેતન શર્માએ ચીફ સિલેક્ટરના પદ પરથી રાજીનામું આપી દીધું હતું. હાલના સમયમાં શિવ સુંદર દાસને ભારતીય ટીમના વચગાળાના ચીફ સિલેક્ટર બનાવવામાં આવ્યા છે. મીડિયા રિપોર્ટ્સમાં કહેવામાં આવ્યું છે કે, પૂર્વ ભારતીય ખેલાડી વિરેન્દર સેહવાગને ચીફ સિલેક્ટર બનાવને લઈને વાત કરવામાં આવી છે. પરંતુ આ રિપોર્ટને સેહવાગે ફગાવી દીધો છે. રિપોર્ટમાં કહેવાયું હતું કે, ઓછી સેલેરીને કારણે સેહવાગ હા નહીં પાડે, પરંતુ હજુ સુધી તેને કોઈ ઓફર થઈ જ નથી.

BCCI તરફથી સિલેક્શન કમિટીના ચીફને વાર્ષિક 1 કરોડ રૂપિયાની સેલેરી આપવામાં આવે છે, જ્યારે કમિટીના બાકી 4 સભ્યોને 90 લાખ રૂપિયા વાર્ષિક આપવામાં આવે છે. 

BCCIના એક અધિકારીએ ન્યૂઝ એજન્સી PTI સાથે વાત કરતા કહ્યું હતું કે, ‘COAના સમયે વિરુને ચીફ કોચ પદ માટે અરજી કરવા માટે કહેવામાં આવ્યું હતું અને પછી તે અનિલ કુંબલે પાસે ગઇ. એ સંભાવના નથી કે તે પોતે એપ્લાઈ કરશે અને વેતન પેકેજ પણ એવું કઈ નથી જે તેના કદના કોઈ વ્યક્તિ માટે નાણાકીય રૂપે વ્યવહાર્ય હશે.’ મીડિયા રિપોર્ટ મુજબ, એવું નથી કે BCCI સિલેક્શન સમિતિના અધ્યક્ષને ઓછામાં ઓછા 4-5 કરોડ રૂપિયાની ચૂકવણી નહીં કરી શકે. એ વાસ્તવમાં હિતોના ટકરાવ અને આ મુદ્દાઓમાંથી કોઈને હલ કરી શકે છે જે મુખ્ય ખેલાડીઓને સિલેક્શન સમિતિમાં આવવા બાબતે વિચારતા પણ રોકે છે.

BCCIએ સત્તાવાર ટ્વીટર હેન્ડલ પર જણાવ્યું છે કે, BCCIમાં આ સમયે સિલેક્શન કમિટીમાં એક પદ ખાલી છે, જેના માટે વેકેન્સી પડી છે. BCCIએ ટ્વીટ કરીન જણાવ્યું કે, બોર્ડમાં અત્યારે સિલેક્શન કમિટીમાં એક પદ ખાલી છે. સાથે જ સ્ટેટ ક્રિકેટ એસોસિએશનમાં હેડ ઓફ સ્પોર્ટ્સ એન્ડ મેડિસિન/અકાદમી ફિઝિયોનું પદ પણ ખાલી છે. BCCIએ અરજી કરવા માટે લિંક પણ શેર કરી છે. જે પણ ઉમેદવારે અરજી કરવી હોય, તે BCCIના ટ્વીટર પર આપેલી લિંક પર ક્લિક કરીને ભરી શકે છે. BCCIએ બધા પદો માટે યોગ્યતા અને તેમના દાયિત્વને પણ વિસ્તારથી બતાવ્યા છે. અરજી કરવાની છેલ્લી તારીખ 11 જુલાઇ છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.