મેચ પહેલા કમિન્સ કહે છે- સ્ટેડિયમમાં સન્નાટો પસરાવી દઈશું, આનાથી સુખદ...

ભારત સામે મહામુકાબલા પહેલા ઓસ્ટ્રેલિયન કેપ્ટન પેટ કમિન્સે એવી વાત કરી દીધી છે, જે તેને કદાચ કાલે ભારે પડી શકે છે. મેચની પૂર્વ સંધ્યાએ મીડિયાએ 1,32,000 લોકો સામે રમવાનું દબાણ કેવું છે તેના પર વાત કરતા પેટ કમિન્સે કહ્યું હતું કે, સ્પોર્ટ્સમાં ઘરેલું ટીમને સપોર્ટ મળવો સામાન્ય વાત છે. પરંતુ પોતાના પ્રદર્શનથી સ્ટેડિયમમાં સન્નાટો પસરી દેવાનું જે સુખ છે તેનાથી સંતુષ્ટિભરી વાત કોઈ નથી હોતી. કાલે અમારું લક્ષ્ય આ જ હશે. કમિન્સે કહ્યું હતું કે, અમે ભારતમાં ઘણું રમીએ છીએ, એટલે દર્શકોનું ચીયર્સ કોઈ મોટી વાત નથી. હા, મને લાગે છે કે આ સ્તર પર એ ઘણું વધું હશે, જેનો અમે પહેલા અનુભવ કર્યો છે. પરંતુ આ કંઈ એવું નહીં હોય, જેનો અમને પહેલા અનુભવ નહીં હોય.

કમિન્સે કહ્યું કે, થોડા સમય પહેલા સુધી અમે બધા બાળકો હતા, અમુક મહાન ટીમોને 1999, 2003, 2007 વર્લ્ડ કપ જીતતા જોઈ રહ્યા હતા. કાલે અમારી પાસે એ અવસર છે, જે ખરેખર રોમાંચક છે. કેપ્ટનરૂપે આ શાનદાર ખેલાડીઓ સાથે ટ્રોફી ઉઠાવવી મારા માટે સૌભાગ્યની વાત હશે. આ અદભુત હશે.

ઓસ્ટ્રેલિયાએ બીજી સેમિફાઇનલમાં દક્ષિણ આફ્રિકાને ત્રણ વિકેટે હરાવીને ફાઇનલમાં પ્રવેશ કર્યો હતો. 19 નવેમ્બરે ટૂર્નામેન્ટની ટાઈટલ મેચમાં ઓસ્ટ્રેલિયાનો સામનો ભારત સામે થશે. ઓસ્ટ્રેલિયાના કેપ્ટન પેટ કમિન્સે કહ્યું કે, તે ભારત સામેની ફાઈનલ મેચની રાહ જોઈ રહ્યો છે. કમિન્સે કહ્યું કે પ્રેક્ષકોનું સમર્થન એક ટીમ સાથે રહેશે પરંતુ આ મેચ ખૂબ જ મજા આવવાની છે.

ઓસ્ટ્રેલિયાએ ગુરુવારે વર્લ્ડ કપ 2023ની બીજી સેમિફાઇનલમાં દક્ષિણ આફ્રિકાને 3 વિકેટે હરાવ્યું અને આઠમી વખત ફાઇનલમાં પ્રવેશ કર્યો. ઓસ્ટ્રેલિયન કેપ્ટન પેટ કમિન્સે કહ્યું કે, તેમની ટીમ ભારત સામેની ફાઈનલની આતુરતાથી રાહ જોઈ રહી છે.

વર્લ્ડ કપ 2023ની ફાઇનલ મેચ 19 નવેમ્બરે ભારત અને ઓસ્ટ્રેલિયા વચ્ચે અમદાવાદના નરેન્દ્ર મોદી સ્ટેડિયમમાં રમાશે. આ મેચ જોવા માટે સ્ટેડિયમમાં 1 લાખ 30 હજારથી વધુ દર્શકો પહોંચશે. ભારતે સેમિફાઇનલમાં ન્યૂઝીલેન્ડને 70 રને હરાવીને ચોથી વખત ફાઇનલમાં પ્રવેશ મેળવ્યો હતો.

કમિન્સે મેચ પછી કહ્યું, 'ડગઆઉટમાં બેસવા કરતાં મેદાન પર રહેવું સહેલું હતું. તે થોડા કલાકો ગભરાવી દે તેવા પસાર થયા હતા, પરંતુ ટીમે ખૂબ જ સારા પ્રયત્નો કર્યા અને તે એક શાનદાર મેચ અમે જીતી લીધી હતી.

કમિન્સે કહ્યું, ફાઇનલમાં સ્ટેડિયમ દર્શકોથી સંપૂર્ણપણે ભરેલું હશે. કદાચ પ્રેક્ષકોનો ટેકો એકતરફી હશે, પણ અમે તેનો આનંદ ઉઠાવીશું. અમારા માટે સારી વાત એ છે કે, અમારા કેટલાક ખેલાડીઓ અગાઉ પણ ફાઈનલનો ભાગ બની ચૂક્યા છે. 2015નો વર્લ્ડ કપ અમારી કારકિર્દીની ખાસિયત હતી, તેથી હવે અમારે ભારતમાં ફાઈનલ રમવાની છે, જેના માટે અમે આતુર છીએ.

પેટ કમિન્સે કહ્યું કે, તેને ખ્યાલ હતો કે પિચ પર સ્પિન જબરદસ્ત હશે. તેણે કહ્યું, 'અમને લાગ્યું કે પિચ પર સ્પિન હશે. અમને અપેક્ષા નહોતી કે સ્ટાર્ક અને હેઝલવુડ પાસે આટલી વહેલી બોલિંગ કરાવવી પડશે. વાદળછાયું વાતાવરણ હતું અને બોલ પણ સ્વિંગ થઈ રહ્યો હતો, તેથી અમે નિરાશ થયા ન હતા.'

ઓસ્ટ્રેલિયન કેપ્ટન પેટ કમિન્સે વધુમાં કહ્યું કે, તેની ટીમે તેના ફિલ્ડિંગ લેવલમાં ઘણો સુધારો કર્યો છે. કમિન્સે કહ્યું, 'અમે આ વિશે ઘણી વાત કરી. ટૂર્નામેન્ટની શરૂઆતમાં અમારી ફિલ્ડિંગ થોડી ખરાબ હતી. ડેવિડ વોર્નર 37 વર્ષની ઉંમરે પણ ડાઇવિંગ કરતો જોવા મળે છે. અમે ઘણો સુધારો કર્યો છે.'