અરે છોડો યાર... અમારી C ટીમ જ પાકિસ્તાનને હરાવી દે, શ્રીસંતે મિકીને ફટકાર લગાવી

ICC વર્લ્ડ કપ 2023ની હાઈ-પ્રોફાઈલ મેચમાં રોહિત શર્માની ટીમ ઈન્ડિયાએ પાકિસ્તાનને સૌથી ખરાબ હાર આપી હતી. આવું થયું હોવા છતાં, તેમના ટેકનિકલ નિર્દેશક મિકી આર્થરે સ્વીકાર્યું કે, તેઓ હજુ પણ ટીમને વર્લ્ડ કપમાં આગળ જતા જુએ છે. મેચમાં હાર પછી તેણે કહ્યું હતું કે, તેની ઈચ્છા છે કે, ફાઈનલ ભારત અને પાકિસ્તાન વચ્ચે રમાય. નરેન્દ્ર મોદી સ્ટેડિયમમાં પાકિસ્તાનને સતત 8મી હારનો સામનો કરવો પડ્યો હતો અને ભૂતપૂર્વ વર્લ્ડ ચેમ્પિયન ખેલાડી શાંતાકુમારન શ્રીસંતે મિકી આર્થરના નિવેદનની નિંદા કરી છે.

બે વખતની ચેમ્પિયન ભારતે ODI વર્લ્ડ કપમાં પાકિસ્તાન સામેની તમામ આઠ મેચ જીતી છે. 1992માં જ્યારે પાકિસ્તાન વર્લ્ડ કપ વિજેતા બન્યું ત્યારે પણ ભારતના હાથે તેમનો પરાજય થયો હતો. અમદાવાદમાં પાકિસ્તાની ચાહકોની ગેરહાજરીથી દુઃખી, પાકિસ્તાની ટીમના ડિરેક્ટર આર્થરે દાવો કર્યો હતો કે આ હાઈ-વોલ્ટેજ મેચમાં તેમને ICC ઇવેન્ટ જેવું લાગતું નથી. આર્થરની ટિપ્પણી પર પૂર્વ ભારતીય ફાસ્ટ બોલર S શ્રીસંતે ભારતની પાકિસ્તાન સાથેની વર્લ્ડ કપ મેચમાં કટ્ટર હરીફાઈ પર મોટું નિવેદન આપ્યું છે.

2011ના વર્લ્ડ કપ વિજેતાએ કહ્યું કે, ભારતની C ટીમ પણ પાકિસ્તાન સામે જીત નોંધાવી શકે છે. મિકી આર્થરે કહ્યું કે, આપણે ફાઇનલમાં મળીશું. મને નથી લાગતું કે પાકિસ્તાન તેની ટીમને ધ્યાનમાં રાખીને ICC ટ્રોફી અથવા અન્ય કોઈ સ્પર્ધામાં ભારતને ક્યારેય હરાવી શકે. અમારી C ટીમ પણ પાકિસ્તાનની અગ્રણી ટીમને હરાવી શકે છે. શ્રીસંતે એક ઈન્ટરવ્યુમાં કહ્યું, એવા ખેલાડીઓની IPL પ્લેઈંગ-11 બનાવો કે જે નથી રમી રહ્યા, ત્યાં સુધી કે તેઓ પાકિસ્તાનની ટીમને પણ હરાવી શકે છે.

વર્લ્ડ કપ 2023માં ભારતનો સામનો કરી રહેલી બાબરની પાકિસ્તાનની ટીમ 43 ઓવરમાં 191 રનમાં ઓલઆઉટ થઈ ગઈ હતી. પાકિસ્તાનને 30મી ઓવરમાં 155/2 કર્યા પછી ભારત સામે 300થી વધુનો સ્કોર નોંધાવવાની આશા હતી. જો કે, જસપ્રિત બુમરાહ એન્ડ કંપનીની કિલર બોલિંગ સામે પાકિસ્તાન ઘૂંટણીએ પડી ગયું હતું. પાકિસ્તાને તેની બાકીની આઠ વિકેટ માત્ર 36 રનમાં ગુમાવી દીધી હતી. શ્રીએ કહ્યું, પાકિસ્તાન આટલા મોટા સ્ટેડિયમમાં રમવાનું સ્વપ્ન પણ ન જોઈ શકે. અમે તેમને તક આપી હતી, પરંતુ જો તમે આ રીતે રમશો તો તમને ફરીથી આવી તક નહીં મળે.