મા ICU દાખલ હતી, ભૂખથી તરવરતા નવજાત બાળકને મહિલા પોલીસ અધિકારી સ્તનપાન કરાવ્યું

On

કેરળ પોલીસની એક મહિલા અધિકારી માનવતા અને સંવેદનશીલતાના કારણે ચર્ચામાં આવી ગયા છે. ફરજ બજાવતા પોલીસ અધિકારીએ એક બીમાર મહિલાના 4 મહિનાના ભૂખ્યા બાળકને સ્તનપાન કરાવ્યું. માસૂમની માતા નજીકની હૉસ્પિટલમાં દાખલ હતી. પોલીસના જણાવ્યા મુજબ, બિહારની રાજધાની પટનામાં રહેતો પરિવાર ઘણા સમયથી કેરળમાં રહે છે. પરિવારનો મુખિયા એક કેસને લઈને જેલમાં બંધ છે. આ કારણે મહિલા અને તેના 4 બાળકોની દેખરેખ કરનારું કોઈ નહોતું. સહાયતા માટે પાંચેયને ગુરુવારે કોચ્ચિ સિટી મહિલા પોલીસ સ્ટેશન લઈ જવામાં આવ્યા.

4 બાળકોની માતા બીમાર હોવાના કારણે એર્નાકુલમ જનરલ હૉસ્પિટલમાં દાખલ કરાવવામાં આવી. તબિયત વધુ ખરાબ થવાના કારણે મહિલાને ICU વોર્ડમાં શિફ્ટ કરવામાં આવી છે. બીજી તરફ પોલીસ સ્ટેશનમાં 3 મોટા બાળકો માટે પોલીસકર્મીઓએ ભોજનની વ્યવસ્થા કરી, પરંતુ 9 મહિનાના એક બાળકને ભૂખથી તરવળતું જોઈને પોલીસ અધિકારી એમ.એ. આર્યા પોતાને રોકી ન શકી અને પછી તે પોતાના કર્તવ્યથી વિરુદ્ધ જઈને સૌથી નાના બાળકને સ્તનપાન કરાવવા લાગી.

સિટી પોલીસે આર્યાના આ કામના વખાણ કર્યા છે. પોલીસે એ પળને કેદ કરતા એક તસવીર પણ પોસ્ટ કરી. તસવીરમાં એક માર્મિક ક્ષણ કેદ થઈ, જેમાં મહિલા અધિકારી દૂધપીતા શિશુને પોતાના ખોળામાં ઉઠાવીને નજરે પડી રહી છે. પોલીસે એક નિવેદન જાહેર કરીને કહ્યું કે, 4 બાળકોને બાળ દેખરેખ ગૃહમાં મોકલી દેવામાં આવ્યા છે, જેથી વધુ સારા વાતાવરણમાં તેમની દેખરેખ થઈ શકે. આ અગાઉ વર્ષ 2022માં પણ કેરળમાં એવી જ ઘટના સામે આવી ચૂકી છે, પરંતુ તેની સ્થિતિ અને કહાની થોડી અલગ હતી.

અહી માતા-પિતાના ઝઘડા વચ્ચે ફસાયેલા દૂધપીતા બાળકનો જીવ બચાવવા માટે મહિલા પોલીસકર્મીએ સ્તનપાન કરાવ્યું હતું. ત્યારે મહાનિર્દેશક સહિત કેરળ હાઇકોર્ટના ન્યાયાધીશોએ પણ મહિલા પોલીસકર્મીના વખાણ કર્યા હતા. મહિલા અધિકારીની ઓળખ એમ.આર. રામ્યાના રૂપમાં થઈ હતી. મીડિયા રિપોર્ટ મુજબ, માતાએ કોઝિકોડ ચેવયુર પોલીસ સ્ટેશનમાં ફરિયાદ નોંધાવી હતી કે તેનું બાળક ગુમ છે.

વિવાદના કારણે તેનો પતિ બાળકને પોતાની સાથે લઈ ગયો હતો. ફરિયાદ નોંધીને પોલીસ તપાસ અભિયાન ચલાવીને બાળક અને તેના પિતાને શોધી કાઢ્યા. માતાના દૂધની કમી કારણે બાળકની સ્થિતિ નાજૂક થઈ રહી હતી, જેના કારણે તેને તાત્કાલિક હૉસ્પિટલ પહોંચાડવામાં આવ્યું. જાણકારી મળ્યા બાદ રામ્યાએ આગળ આવીને સ્તનપાન કરાવીને જીવ બચાવ્યો હતો.

Related Posts

Top News

ગુજરાત ફુડ સેફ્ટી સ્ટાન્ડર્ડ ઓથોરિટીનો જોઇન્ટ ડાયરેક્ટર 25000ની લાંચ લેતા પકડાયો

ફુડ સેફ્ટી સ્ટાન્ડર્ડ ઓથોરિટીનો ગુજરાતનો જોઇન્ટ ડાયરેકટર અને કલાસ-1 અધિકારી 25,000વી લાંચ લેતા રંગે હાથે પકડાઇ ગયો છે. ફરિયાદીને ફુડ...
Gujarat 
ગુજરાત ફુડ સેફ્ટી સ્ટાન્ડર્ડ ઓથોરિટીનો જોઇન્ટ ડાયરેક્ટર 25000ની લાંચ લેતા પકડાયો

IPLની તૈયારીઓમાં વ્યસ્ત હાર્દિક પંડ્યાએ કેમ કહ્યું- અઢી મહિનામાં બધું બદલાઈ ગયું

ભારતના સ્ટાર ઓલરાઉન્ડર હાર્દિક પંડ્યા કહે છે કે, છેલ્લા કેટલાક મહિનામાં સમયનું ચક્ર તેના માટે સંપૂર્ણ 360 ડિગ્રીનો વળાંક...
Sports 
IPLની તૈયારીઓમાં વ્યસ્ત હાર્દિક પંડ્યાએ કેમ કહ્યું- અઢી મહિનામાં બધું બદલાઈ ગયું

સરકાર શું ફેરફારો કરી રહી છે, જેના લીધે મુસ્લિમો વક્ફ બિલ વિરુદ્ધ ધરણા પર ઉતર્યા?

વકફ બિલને લઈને રસ્તાઓ પર લડાઈ શરૂ થઈ ગઈ છે. સંસદના બજેટ સત્રનો બીજો તબક્કો ચાલી રહ્યો છે અને વક્ફ...
National 
સરકાર શું ફેરફારો કરી રહી છે, જેના લીધે મુસ્લિમો વક્ફ બિલ વિરુદ્ધ ધરણા પર ઉતર્યા?

ગુજરાતના ઇતિહાસમાં પહેલીવાર સુરતમાં થશે ચૈત્રી નવરાત્રીએ 10 દિ' ગરબા, 10 મોટા સ્ટાર્સની હાજરી

ગુજરાત અને નવરાત્રી એક બીજાના પર્યાય છે. ‘જ્યા જ્યા ગુજરાતી, ત્યાં ત્યાં નવરાત્રી!’ અને હવે, એ પરંપરાને એક નવો રંગ,...
Gujarat 
ગુજરાતના ઇતિહાસમાં પહેલીવાર સુરતમાં થશે ચૈત્રી નવરાત્રીએ 10 દિ' ગરબા, 10 મોટા સ્ટાર્સની હાજરી
Copyright (c) Khabarchhe All Rights Reserved.