માણસના મનના ઊંડાણમાં ઉતરીને તેને ફંફોસવાનો પ્રયત્ન એટલે 'પડછાયાના પડઘા' સાંભળવાનો પ્રયત્ન! પ્રેમ અને નફરત આખરે તો લાગણીથી જોડાયેલા છે, કોઈ વ્યક્તિ તરફ જરા સરખી પણ લાગણી હોય તો જ એ વ્યક્તિ તરફ પ્રેમ અથવા નફરતની ભાવનાઓ જન્મ લેતી હોય છે. આ જ પ્રેમ અને નફરતની ભેદરેખામાં ગૂંચવાયેલા અંશુમનને ઉકેલતા ડૉ. આકાશ અરોરા પોતે જ ક્યાંક અટવાય છે અને ગૂંચવાયેલા ડૉક્ટરની સાથે પાત્રોના જીવન પણ ગૂંચવાય છે. એ ગૂંચ અને એનો ઉકેલ એટલે જ પડછાયાના પડઘા...